چترال (زیل نمائندہ )ملک کے دوسرے علاقوں کی طرح چترال میں بھی یوم دفاع اور یوم شہداء جوش و خروش اور ملی جذبے کے ساتھ منایا گیا ۔یوم دفاع کی مرکزی اور بڑی تقریب قشقار سپورٹس کمپلکس چترال سکاؤٹس میں منعقد ہوئی۔ کمانڈنٹ چترال سکاؤٹس کرنل معین الدین، ڈپٹی کمشنرچترال خورشید عالم محسود،ممبرصوبائی اسمبلی مولانا ہدایت الرحمان ،ضلع ناظم چترال حاجی مغفرت شاہ ،بریگڈئر(ر)خوش محمد،کرنل (ر)سردارخان،پولیس انسپکٹر محمد شفیع شفاکے علاوہ عمائدین چترال،اساتذہ کرام،طلبہ اور زندگی کے مختلف شعبوں سے تعلق رکھنے والے خواتین و حضرات نے شرکت کی۔اس موقع پر چترال سکاؤٹس ،چترال پولیس اور فرنٹئیرکورپبلک سکول کے طلباء کےچاق وچوبند دستوں نے مارچ پاسٹ کیا ۔یوم دفاع کی مناسبت سے طلبہ نے تقاریروملی نغموں سے ماحول کو گرمایا اور مختلف تعلیمی اداروں کے طلبہ نے اس دن کی اہمیت اجاگرکرتے ہوئے مختلف پروگرامات پیش کیے۔پہاڑوں کی اونچائی سے اڑان بھرتے ہوئے پیراگلائیڈر ز نے فری فال کادلچسپ مظاہرہ کیااور حاضرین سے داد وصول کی۔اس موقع پر ایک دلچسپ نمائشی پولو کھیل کا بھی انعقاد کیا گیا جس میں چترال کے مایہ ناز کھلاڑیوں نے حصہ لیا۔اس موقع پر خطاب کرتے ہوئے کمانڈنٹ چترال سکاؤٹص کرنل معین الدین،ڈپٹی کمشنر چترال خورشید عالم محسود اور دوسروں نے یوم دفاع کو تجدید عہد کا دن قراردیتے ہوئے کہا کہ ہمیں اس دن یہ ثابت کرنا ہے کہ ہم ہندوستان کی عددی برتری سے خائف نہیں اور جذبے سے سرشار ہوکر دشمن کے عزائم خاک میں ملائیں گے۔ مقررین نے کہاکہ ہمیں اپنے شہیدوں کو اس دن خصوصی طور پر یا د رکھنا ہے جنہوں نے اپناآج ہمارے کل پر قربان کردی اور بہادری وجرات کی ایک داستان رقم کی۔ اس موقع پر پاک آرمی، چترال سکاوٹس اور پولیس فورس کی طرف سے مختلف اسٹالز بھی لگائے گئے تھے۔آخر میں کمانڈنٹ چترال سکاؤٹس نے چترال سے تعلق رکھنے والے پاک آرمی اور چترال سکاوٹس کے شہیدوں کے ورثاء میں سوینئر اور تخائف بھی تقسیم کیے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023