چترال (زیل نمائندہ) سیاحت کے فروع، معدنی وآبی وسائل سے استفادہ اور فنی تعلیم کے فروع سے اگلے پانچ سالوں میں چترال میں ملازمت کے دس ہزار نئے مواقع پیدا کرنا ہماری ترجیحات میں سرفہرست ہے ۔ان خیالات کا اظہار پاکستان تحریک انصاف چترال کے امیدوار برائے صوبائی اسمبلی اسرار الدین صبور نے پولو گراؤنڈ چترال میں ایک بڑے انتخابی جلسے سے خطاب کرتے ہوئے کیا۔ ان کا کہنا تھا کہ اللہ تعالی نے چترال کو بے شمار قدرتی وسائل سے نوازا ہے اگر اللہ نے ہمیں خدمت کا موقع دیا تو ہم چترال کے مسائل کی بنیاد پرنہیں بلکہ وسائل کو ترقی دینے کے لیے حکومت کی توجہ حاصل کریں گے۔ انہوں نے کہا کہ چترال میں معدنیات، سیاحت اور آبی ذخائر بڑی تعداد میں موجود ہے جس سے استفادہ کرکے ہم اپنے خطے کو ترقی کے منزل پر گامزن کرسکتے ہیں ۔ ان کا کہنا تھا کہ بدقسمتی سے ابھی تک کسی بھی سیاست دان یا حکومت نے اس جانب توجہ نہیں دی البتہ پاکستان میں پہلی دفعہ پاکستان تحریک انصاف نے سیاحت کو اپنی گیارہ نکاتی ایجنڈے میں ساتویں نمبر پر رکھ کر یہ پیغام دیا کہ مستقبل میں پاکستان کے شمالی خطے ملکی معیشت میں کلیدی کردار ادا کریں گے۔ اسرار الدین کا کہنا تھا کہ پی ٹی آئی کی صوبائی حکومت نے سی پیک میں آبی بجلی گھروں کی منظوری لی ہے اور چترال میں پانچ ہزار میگاواٹ بجلی پیدا کرنے کی گنجائش موجود ہے جبکہ ہماری حکومت نے چترال میں 3000 میگاواٹ بجلی گھروں کی تعمیر کی منظوری دی ہے۔ ہماری کوشش یہ ہوگی کہ اقتدار میں آنے کے بعد جلدی سے ان منصوبوں پر کام شروع کیا جائے ۔ ان منصوبوں کے لیے ہم باہر سے سرمایہ کاروں کو چترال بلائیں گے۔ اس سے چترال میں معاشی انقلاب آئے گا اور انہی منصوبوں کے توسط سے چترال کا انفراسٹریکچر خود بخود تعمیر ہوگا۔اسرار الدین کا کہنا تھا کہ ہماری آبادی کا 65 فیصد نوجوان آبادی پر مشتمل ہے آج ہی اس آبادی کے حوالے سے ہمیں توجہ دینے کی ضرورت ہے ۔ انہوں نے اعلان کیا کہ حکومت ملنے کی صورت میں پانچ سالوں میں چترال میں دس ہزار ملازمتوں کے نئے مواقع پیدا کیے جائیں گے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023