کمانڈر چترال ٹاسک فورس کے زیر صدارت سیکیورٹی کانفرنس

چترال(نمائندہ زیل نیوز)پیر20مارچ کو کمانڈر چترال ٹاسک فورس کرنل نظام الدین شاہ کے زیر صدارت سیکیورٹی کانفرنس چترال سکاؤٹس ہیڈکوارٹر میں منعقد ہوا۔ کانفرنس میں ڈسٹرکٹ پولیس افیسر چترال، ڈسٹرکٹ گورنمنٹ چترال اور دوسرے اداروں کے سربراہان شامل تھے۔ سیکیورٹی کانفرنس میں چترال کے اندورنی اور بیرونی سیکیورٹی اور خطرات کے حوالے سے تفصیلی گفتگو ہوئی۔ خصوصاً لواری ٹنل پراجیکٹ، گولین گول ہائیڈئل پاور پراجیکٹ اور ائیرپورٹ کے سیکیورٹی کے حوالے سے تفصیلی بات چیت ہوئی اور کسی بھی ناگہانی ناخوشگوار صورت حال سے نمٹنے کے حوالے سے احکامات جاری کیے گئے۔