چترال ( نامہ نگار) حکومت ِ پاکستان کے حالیہ مردم شماری فارم کے پاکستانی زبانوں اور مذہب کے بارے میں اعدادو شمار کے خانے میں معدوم ہوتی ہوئی ثقافت اور مذہب کالاش کے لیے کوئی خانہ مختص نہیں کیا گیا ۔یہ بات چترالی زبانوں پر کام کرنے والی ایک غیر منافع بخش ادارہ مادر ٹانگ انیشیٹیو ز فار ایجوکیشن اینڈ ریسرچ چترال(MIER) نے آئندہ مردم شماری میں پاکستانی زبانوں کے بارے میں اعدادو شمار جمع کرنے کے مسئلے پر منعقد ہ ایک اجلاس میں اٹھایا ۔ اجلاس میں اس بات پر افسوس اور شدید غم و غصے کا اظہار کیا گیا کہ صوبے کی تیسری بڑی زبان کھوار اور دیگر بہت سی معدومیت کے شکارزبانوں کے لیے کوئی گنجائش نہیں رکھی گئی۔معلوم یہ ہوا ہے کہ آٹھ زبانوں کے علاوہ باقی ستّر(70) پاکستانی زبانوں کو دیگر کے نام سے ایک ہی خانے میں ڈال دیا گیا ہے ۔ اس طرح ان زبانوں کے بارے میں انفرادی طور پر اعداد و شمار حاصل کرنا ناممکن ہوجائے گا۔اس کے علاوہ یہ بات بھی نوٹ کی گئی کہ مذاہب کے خانے میں چترال میں بسنے والی دنیا کا قدیم ترین مذہب و زبان کالاش کو نظر انداز کردیا گیا ہے۔ تنظیم کے صدر فرید احمد رضانے اجلاس میں اس بات پر بھی افسوس کا اظہار کیا کہ بار بار یاد دہانی کے باوجود ان علاقوں اور زبانوں سے تعلق رکھنے والے ممبرانِ اسمبلی اور سیاسی رہنماؤں نے اس مسئلے سے کوئی دلچسپی کا اظہار نہیں کیا ۔ اس اجلاس میں یہ مطالبہ بھی کیا گیا کہ فوری طور پر مردم شماری کے فارم میں تبدیلی کرکے اس میں پاکستان کی تمام بڑی زبانوں اور مذاہب کے اندراج کو یقینی بنایا جائے تاکہ ان اعدادو شمار کی مدد سے ان زبانوں اور ثقافتوں کے تحفظ کی کوششوں میں مدد مل سکے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023