چترال(نمائندہ زیل) پاکستان تحریک انصاف کے رہنماء عبداللطیف کو پی ٹی آئی ضلع چترال کا صدر مقرر کردیا گیا۔ پی ٹی آئی ملاکنڈ ریجن کے صدر اور صوبائی وزیر کھیل و ثقافت محمود خان نے فیصلے کا نوٹیفیکیشن جاری کردیا۔ تفصیلات کے مطابق پاکستان تحریک انصاف میں ملاکنڈ ریجن کی اضلاع سوات شانگلہ‘ بونیر ‘ دیر لوئر ‘ دیر اپر اور ملاکنڈ کے لیے پارٹی صدورکی نامزدگیوں کے بعد واحد ضلع چترال کے لیے صدرکا انتخاب ہونا باقی تھا گزشتہ روز پی ٹی آئی ملاکنڈ ریجن کے صدر اور صوبائی وزیر کھیل و ثقافت محمود خان نے پارٹی کے بانی رکن اور ڈسٹرکٹ کونسل چترال کے ممبر عبداللطیف کو پی ٹی آئی ضلع چترال کے صدر نامزدگی کا نوٹیفیکیشن جاری کردیا ۔عبداللطیف کا شمار پی ٹی آئی کے بانی ارکان میں ہوتا ہے ان کا تعلق چترال کے وادی اویر سے ہے ۔انہوں نے میٹرک پشاور کے تاریخی درس گاہ گورنمنٹ ہائی اسکول نمبر 2 پشاور شہر سے کیا ‘ سپیرئیر سائنس کالج پشاور سے گریجویشن کرنے کے بعد پشاور یونیورسٹی سے ایم اے سیاسیات کی ڈگری حاصل کی۔ اس کے بعد 2002 میں سی ایس ایس کا امتحان پاس کیا لیکن سیاسی رجحان کی وجہ سے تحریک انصاف سے منسلک ہوگئے اور چترال سے عملی سیاست کا آغاز کیا اور اسی سال پی ٹی آئی کے ٹکٹ پر قومی اسمبلی کے انتخاب میں حصہ لیا ‘ 2008ء میں پی ٹی آئی نے انتخابات کا بائیکاٹ کیا ‘ 2013ء کے انتخابات میں پارٹی نے ایک مرتبہ پھر انہیں قومی اسمبلی کیلئے امیدوار نامزد کیا اور تقریباً 27ہزار ووٹ لیکر دوسرے نمبر پر رہے ۔گزشتہ بلدیاتی انتخابات میں اپنے آبائی علاقے وادی اویر سے ڈسٹرکٹ کونسل چترال کے ممبر منتخب ہوئے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023