پشاور (نمائندہ زیل)پشاور ہائی کورٹ کے چیف جسٹس مظہر عالم میاں خیل اور جسٹس محمد ایوب پر مشتمل ڈویژن بنچ نے چترال سے تعلق رکھنے والے سینئر وکیل محب اللہ تریچوی کی وساطت سے دائر کردہ رٹ پٹیشن کی سماعت کرتے ہوئے چترال گہیریت کے 19افراد کو ملک بدر کرنے سے روک دیا ۔ عدالت عالیہ نے جب غلام حیدر وغیرہ بنام حکومت پاکستان کے مقدمے کی سماعت کی تو درخواست گزار غلام حیدر وغیرہ کے وکیل محب اللہ تریچوی ایڈووکیٹ نے عدالت کو بتایاکہ درخواست گزار بنیادی طور پر چترال کے باشندہ گا ن تھے تاہم 1951 ء میں انہیں اس وقت کے ریاستی حکمران نے ضلع بدر کردیا تھا اور یہ لوگ مجبوراً اپنے قریبی ملک افغانستان میں پناہ لے رکھے تھے تا ہم1982 ء میں افغان جنگ کے دوران واپس چترال آکر اپنے آبائی گاؤں میں رہائش پذیر ہوئے لہذا ان کو ان کے آبائی گاؤ ں سے ملک بدر کرنا غیر قانونی ہے اور آئین کی خلاف ورزی ہے ۔جس کی آئین اور قانون اجازت نہیں دیتا۔ عدالت نے فریقین کے دلائل سننے کے بعد درخواست گزاروں کو ملک بدر ی سے روکنے کے احکامات جاری کر دئیے اور حکومت سے جواب طلب کر لیا۔یاد رہے کہ درخواست گزاروں نے ملک بدر ہونے سے روکنے کیلئے (1)وزارت داخلہ حکومت پاکستان (2)سیکر ٹر ی ہومKPK (3) چیف سیکر ٹری KPK(4)ڈپٹی کمشنر چترال (5)کمشنر ملاکنڈ ڈویژن اور ڈسٹرکٹ ناظم چترال کو فریق بنا کر رٹ پٹیشن دائر کر رکھے تھے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023