بارشوں کے دوران نکاسی آب کے لیے ضروری اقدامات کیے جائیں، مشیر بحالیات سندھ

رسول بخش چانڈیو مشیر بحالیات سندھ نے کہا ہے کہ بارشوں کے دوران نکاسی آب کے لیے ضروری اقدامات کیے جائیں۔
تفصیلات کے مطابق سندھ میں ممکنہ طوفانی بارشوں سے متعلق پی ڈی ایم اے نے ہنگامی اقدامات شروع کر دیے ہیں۔
مشیر بحالیات سندھ رسول بخش چانڈیو نے کہا کہ سمندری طوفان گلاب کے باعث طوفانی بارشوں کے باعث پی ڈی ایم اے سندھ کے عملے کی چھٹیاں منسوخ کر دی گئی ہیں۔
رسول بخش چانڈیو نے کہا کہ ہنگامی صورتحال سے نمٹنے کے لیے ضروری اقدامات کیے جائیں اور تمام اضلاع کی انتظامیہ اپنے عملے اور سامان کے ساتھ الرٹ رہے۔
مشیر بحالیات سندھ نے کہا کہ پی ڈی ایم اے موسلادھار بارش کے خطرے کے پیش نظر ہیڈ کوارٹر اور دیگر دفاتر میں 24 گھنٹے موجود رہیں۔
رسول بخش نے کہا کہ پی ڈی ایم اے نے کراچی سمیت صوبے کے دیگر اضلاع میں مزید ہیوی ڈیوٹی ڈی واٹرنگ پمپ بھیج دیے ہیں۔
رسول بخش نے کہا کہ پی ڈی ایم اے سندھ کا ایمرجنسی سینٹر فعال کر دیا ہے۔

The post بارشوں کے دوران نکاسی آب کے لیے ضروری اقدامات کیے جائیں، مشیر بحالیات سندھ appeared first on .