افغانستان کی معاشی و اقتصادی مدد کیلئے دنیا کردار ادا کرے، ترجمان دفتر خارجہ

ترجمان دفتر خارجہ نے کہا ہے کہ پاکستان چاہتا ہے کہ افغانستان کی معاشی و اقتصادی مدد کیلئے دنیا کردار ادا کرے۔

ترجمان دفترخارجہ عاصم افتخار احمد نے صحافیوں سے غیر رسمی بات چیت کرتے ہوئے کہا کہ او آئی سی وزراء خارجہ کا غیر معمولی اجلاس 19 دسمبر کو اسلام آباد میں ہوگا

انہوں نے کہا کہ اجلاس میں خصوصی طور پر پی فائیو ممالک کو بھی مدعو کیا گیا ہےجبکہ 57 ممالک سے مندوبین کی شرکت متوقع ہے۔

ترجمان دفترخارجہ کا کہنا تھا کہ طالبان کو مدعو کرنے کے حوالے سے بات چیت جاری ہے، طالبان کو کس حیثیت میں بلایا جائے گا ابھی فیصلہ نہیں ہوا تاہم طالبان حکومت کے نمائندوں کی موجودگی بھی ضروری ہے۔

عاصم افتخار احمد کا یہ بھی کہنا تھا کہ اجلاس میں شرکت کے لیے دعوت نامے بھیج دیے گئے ہیں، ہماری کوشش ہے وزرائے خارجہ کونسل اجلاس میں افغانستان کی نمائندگی بھی ہونی چاہیے۔

ان کا کہنا تھا کہ پاکستان سمیت دیگر ممالک کی بھی ذمہ داری بنتی ہے کہ وہ افغانستان میں قیام امن کے لیے کردار ادا کریں۔

ترجمان دفترخارجہ عاصم افتخار احمد کا مزید کہنا تھا کہ وزرائے خارجہ کونسل اجلاس میں پاکستان میں افغان مہاجرین کے حوالے سے بھی بات چیت ہوگی، اس غیر معمولی اجلاس میں عملی اقدامات لئے جائیں گے جس سے افغانستان کو فائدہ ہوگا۔

The post  افغانستان کی معاشی و اقتصادی مدد کیلئے دنیا کردار ادا کرے، ترجمان دفتر خارجہ appeared first on .