جنگلی ہاتھی کا بس پر حملہ ،ویڈیو وائرل

بھارت میں دیوقامت ہاتھی نے اچانک بس پر حملہ کردیا جس کی ویڈیو سوشل میڈیا پر وائرل ہوگئی ہے ۔

غیر ملکی خبررساں ادارے کی رپورٹ کے مطابق جنوبی بھارت کے ضلع نلگرس میں جنگل سے سڑک پر اچانک ہاتھی نمودار ہوا اور بس پر حملہ کردیا۔

ہاتھی نے اپنے سر کے وار سے بس کا شیشہ بھی توڑ دیا۔

رپورٹ میں بتایا گیا ہے کہ بس ڈرائیور چالاکی دکھاتے ہوئے ڈرائیونگ سیٹ سے اٹھ کر مسافروں کی طرف آگیا، ان کی اس حکمت عملی سے ہاتھی جنگل کی طرف روانہ ہوگیا۔

 مذکورہ شہری اپنی سیٹ پر بیٹھا رہتا تو ممکنہ طور پر جانور اپنے حملوں کا سلسلہ جاری رکھتا۔

 ہاتھی نے بس کے سامنے والے شیشے کو شدید نقصان پہنچایا بعد ازاں ہاتھی کے جانے پر ڈرائیور بس کو منزل کی جانب لے گیا۔

رپورٹ میں کہا گیا ہے کہ مذکورہ سڑک پر جنگلی جانوروں سے سامنا ہونا معمول بن چکا ہے کیوںکہ یہ روڈ جنگل کی گزر گاہ ہے۔

 مذکورہ نوعیت کی سڑک بھارت کے مختلف شہروں میں تعمیر کی گئی ہے۔

خیال رہے کہ اس سے قبل جنگل سے متصل سڑک پر چیتے نے راہ چلتے شہری پر حملہ کیا تھا جس کی ویڈیو بھی کئی مہینوں تک سوشل میڈیا پر چھائی رہی تھی۔

The post جنگلی ہاتھی کا بس پر حملہ ،ویڈیو وائرل appeared first on .