یہ کراچی ہم سب کا ہے، آئیے سب مل کر اس کی تعمیر و ترقی میں اپنا کردار ادا کریں، بیرسٹر مرتضی وہاب

ایڈمنسٹریٹر کراچی بیرسٹر مرتضی وہاب نے کہا ہے کہ یہ کراچی ہم سب کا ہے، آئیے سب مل کر اس کی تعمیر و ترقی میں اپنا کردار ادا کریں۔
تفصیلات کے مطابق ایڈمنسٹریٹر کراچی بیرسٹر مرتضی وہاب نے کراچی پارسی انسٹیٹیوٹ کا دورہ کیا جس پر امبرین تھامپسن اور کراچی پارسی انسٹیٹیوٹ کی انتظامیہ نے ان کو خوش آمدید کہا۔
ذرائع کا کہنا ہے کہ مرتضی وہاب نے پارسی انسٹیٹیوٹ اور آئی ایم کراچی کے اشتراک سے قائم کیے اربن فاریسٹ کا افتتاح کیا اور اس موقعے پر انہوں نے پودہ بھی لگایا اور دعا بھی کی۔
اس موقعے پر ان کا کہنا تھا کہ وفاقی حکومت کبھی وعدہ وفا نہیں کرتی، صرف افتتاح کرنے سے کچھ نہیں ہو گا، وزیراعظم صاحب عملی اقدامات کر کے دکھائیں۔
ایڈمنسٹریٹر کراچی بیرسٹر مرتضی وہاب نے موقعے پر کہا کہ میں سب کو دعوت دیتا ہوں آئیں اور ہمارے ساتھ مل کر ماحول کو بہتر کرنے میں ہمارا ساتھ دیں۔

The post یہ کراچی ہم سب کا ہے، آئیے سب مل کر اس کی تعمیر و ترقی میں اپنا کردار ادا کریں، بیرسٹر مرتضی وہاب appeared first on .