وزیر خزانہ کی زیر صدارت ایکنک کا اجلاس کل ہوگا

وزیر خزانہ شوکت ترین کی زیرِ صدارت ایکنک کا اجلاس کل ہوگا۔

تفصیلات کے مطابق ایکنک اجلاس میں کراچی سرکلر ریلوے منصوبے کی منظوری کا امکان ہے، کراچی سرکلر ریلوے منصوبہ نجی شعبے کی شراکت داری سے مکمل کیا جائے گا۔

ذرائع کا کہنا ہے کہ سرکلر ریلوے کے 43 کلومیٹر ٹریک پر کام جاری ہے، سرکلر ریلوے کے لئے ماحول دوست الیکٹرک ٹرین چلے گی۔

دوسری جانب وزیر خزانہ شوکت ترین کی زیر صدارت ای سی سی اجلاس ہوا جس میں کامیاب پاکستان پروگرام کی منظوری سمیت دیگر گرانٹس کی منظوری دے دی گئی۔

اقتصادی رابطہ کمیٹی نے اجلاس میں 8 نکاتی ایجنڈا پر غور کیا گیا، کامیاب پاکستان پروگرام پہلے مرحلے میں بلوچستان، کے پی، آزاد کشمیر، گلگت بلتستان میں شروع کیا جائے گا، سندھ اور پنجاب کے پسماندہ اضلاع میں بھی کامیاب پاکستان پروگرام شروع کیا جائے گا۔

ذرائع کا کہنا ہے کہ ای سی سی نے 50 ہزار ٹن چینی کی درآمد کی منظوری دیدی، چینی کی درآمد تین مراحل میں کی جائے گی۔

ذرائع کے مطابق پاکستان اسٹیل ملز ملازمین کیلئے تنخواہوں کی ادائیگی کیلئے 11 ارب روپے کی منظوری دے دی گئی، پاکستان اسٹیل ملز ملازمین کو تنخواہیں 2021-22 کیلئے ادا کی جائیں گی۔

ذرائع کا کہنا ہے کہ وزارت دفاع کی سمری پر افواج پاکستان کیلئے فنڈز کی منظوری دی گئی، وزارت داخلہ کی سمری پر فرنٹئیر کانسٹیبلری سینٹر کے قیام کیلئے فنڈز کی منظوری دی گئی۔

The post وزیر خزانہ کی زیر صدارت ایکنک کا اجلاس کل ہوگا appeared first on .