کراچی والوں کیلئے خوشخبری

وزیراعظم عمران خان 27 ستمبر کو کراچی کا ایک روزہ دورہ کریں گے ۔

تفصیلات کے مطابق وزیر اعظم عمران خان 27 ستمبر کو نیوکراچی سرکلر ریلوے کے منصوبے کا سنگ بنیاد رکھیں گے، نیو کراچی سرکلر ریلوے بجلی سے چلنے والی تیز ٹرین ہوگی۔

ذرائع کا کہنا ہے کہ  یہ منصوبہ  170 ارب روپے کی لاگت سے مکمل ہوگا، نیو کراچی سرکلر ریلوے کے لیے بغیر پھاٹک نیا ٹریک بچھایا جائے گا، ہر 6 منٹ بعد ٹرین اسٹیشن پر آئے گی۔

ذرائع کا کہنا ہے کہ  اس منصوبے سے یومیہ 3 سے 5لاکھ مسافروں کے مستفید  ہونے امکان ہے، یہ منصوبہ نجی کمپنی کے اشتراک سے مکمل کیا جائے گا ۔

  ذرائع کا کہنا ہے کہ اس منصوبے کے لیے اراضی حکومت دے گی۔

ذرائع کا کہنا ہے کہ وزیراعظم عمران خان  کراچی کے دورےمیں اہم ملاقاتیں کریں گے۔

ذرائع کا مزید کہنا ہے کہ وزیراعظم  عمران خان کراچی میں ترقیاتی کاموں اور امن و امان کا بھی جائزہ لیں گے۔

وزیر اعظم عمران خان کے ہمراہ وفاقی وزراء اور سینئر پارٹی رہنماء بھی  ہوں گے۔

The post کراچی والوں کیلئے خوشخبری appeared first on .