عمران خان یقیناً لا علم ہونگے کہ گومل یونیورسٹی شہید بھٹو نے قائم کی تھی ، فیصل کریم کنڈی

پاکستان پیپلز پارٹی کے ترجمان فیصل کریم کنڈی نے کہا کہ عمران خان یقیناً لا علم ہونگے کہ گومل یونیورسٹی شہید بھٹو نے قائم کی تھی۔

تفصیلات کے مطابق پاکستان پیپلز پارٹی کے ترجمان فیصل کریم کنڈی نے عمران خان کی تقریر پر ردعمل دیتے ہوئے کہا کہ  آج گومل یونیورسٹی کو کورونا اسپرے کیلئے بند کیا گیا ، نام نہاد کسان کارڈ کنوینشن میں میڈیا کو نہ مدعو کرنا سوالیہ نشان ہے۔

انہوں نے کہا کہ عمران خان نے اپنے مالی سہولت کاروں کو کرپشن کیلئے این او سی دے رکھا ہے ، آیل این جی کی خریداری میں کرپشن کیلئے این او سی دیا گیا ، گندم اور چینی ایکسپورٹ اور امپورٹ کرنے میں کرپشن کیلئے این او سی دیا گیا۔

پاکستان پیپلز پارٹی کے ترجمان فیصل کریم کنڈی نے کہا کہ  خان صاحب این آر او کا راگ الاپنا جاری رکھیں جلد آپ کو کام آئے گا۔

اس سے قبل  پیپلز پارٹی کے ترجمان فیصل کریم کنڈی نے تابش گوہر کے استعفے پر ردعمل دیتے ہوئے کہا تھا کہ ندیم بابر کے بعد تابش گوہر کا استعفیٰ مگر لوٹ مار کا حساب کون دے گا؟

انہوں نے کہا تھا کہ ایل این جی میں سیکڑوں ارب روپے کا حساب کون دے گا ، عمران خان نے معیشت اور صنعت سے وابستہ ہر وزارت میں مالی سہولتکار بھرتی کیے ہیں۔

پیپلز پارٹی کے ترجمان فیصل کریم کنڈی نے کہا تھا کہ عمران خان کی معیشت کے ماہرین نے ملک کی معیشت کو بدحال کردیا ہے ، قوم کو پتہ چل گیا ہے کہ عمران خان حوالہ ہنڈی کی مارکیٹنگ کیوں کرتے تھے۔

The post عمران خان یقیناً لا علم ہونگے کہ گومل یونیورسٹی شہید بھٹو نے قائم کی تھی ، فیصل کریم کنڈی appeared first on .