کورونا ایس او پی پر عمل درآمد کے لئے محکمہ داخلہ سندھ نے سخت احکامات جاری کردیئے

سندھ میں کورونا ایس او پی پر عمل درآمد کے لئے محکمہ داخلہ سندھ نے ضلعی انتظامیہ کو سخت احکامات جاری کردیے ہیں۔

تفصیلات کے مطابق محکمہ داخلہ سندھ نے صوبے میں کاروباری اوقات رات 10 بجے تک ہیں، اسکے بعد کھلی دکانیں سیل کرنے کا حکم دے دیا، کراچی میں کاروبار اتوار کو بند، صوبے کے دیگر شہروں میں جعمے کو بند رکھے جائیں گے۔

 محکمہ داخلہ سندھ کے مطابق انڈور ڈائننگ رات 12 بجے کے بعد بند رہیں گی، خلاف ورزی پر کارروائی کی جائے گی، انڈور ڈائننگ میں صرف 50 سیٹنگ کی اجازت ہوگی، ریسٹورنٹ جانے والے کورونا ویکسینیشن سرٹیفکیٹ لازمی ساتھ رکھیں، ٹیک اوے 24 گھنٹے کی اجازت ہوگی۔

محکمہ داخلہ سندھ کا کہنا ہے کہ انڈور تقریبات میں صرف ویکسینیشن کروانے والے شہریوں کو اجازت ہوگی، کورونا ویکسینیشن نہ کروانے والوں کا انڈور تقریبات میں داخلہ بند ہوگا، کھلے مقامات پر شادی کی تقریبات میں صرف 400 مہمانوں کی اجازت ہوگی، انڈور شادی کی تقریبات میں صرف 200 مہمانوں کی اجازت دی گئی ہے۔

محکمہ داخلہ سندھ نے شادی کی تقریبات میں کورونا ایس او پی پر سختی سے عمل کرنے کا حکم دے دیا، صوبے بھر میں سینیما ہالز بند رکھنے کا حکم دیا گیا ہے۔

 محکمہ داخلہ سندھ نے ضلعی انتظامیہ اور پولیس کو کورونا ایس او پی کے احکامات پر سختی سے عمل کرانے کا حکم دیا اور چیف سیکریٹری سندھ کے حکم پر نیا حکم جاری کردیا۔

The post کورونا ایس او پی پر عمل درآمد کے لئے محکمہ داخلہ سندھ نے سخت احکامات جاری کردیئے appeared first on .