کارکنان پارٹی کے سفیر ہیں ، فریال تالپور

پی پی پی شعبہ خواتین کی مرکزی صدر و ایم پی اے فریال تالپور نے کہا ہے کہ کارکنان پارٹی کے سفیر ہیں۔

تفصیلات کے مطابق پی پی پی شعبہ خواتین کی مرکزی صدر و ایم پی اے فریال تالپور سے ضلع لاڑکانہ سے تعلق رکھنے والے پارٹی رہنماؤں طارق انور سیال اور شفقت حسین انڑ کی زرداری ہاٶس کراچی میں ملاقات ہوئی۔

فریال تالپور سے ملاقات کے دوران پارٹی رہنماٶں نے ضلع لاڑکانہ کے تنظیمی امور اور مختلف علاقوں میں حکومتِ سندھ کی جانب سے جاری ترقیاتی کاموں پر بریفنگ دی۔

اس موقع پر پی پی پی شعبہ خواتین کی مرکزی صدر و ایم پی اے فریال تالپور نے کہا کہ کارکنان پارٹی کے سفیر ہیں، عوام کی خدمت اور ان کے مساٸل کے حل کے لیٸے اپنا بھرپور کردار ادا کریں۔

واضح رہے اس سے قبل پیپلزپارٹی کی رہنماء فریال تالپور کی زیر صدارت پیپلزپارٹی کے پارلیمانی بورڈ کا اجلاس ہوا تھا۔

فریال تالپور نے کہا تھا کہ افسوس یہ ہے کہ مقبوضہ کشمیر میں ظلم ہوتا رہا لیکن کٹھ پتلی وزیر اعظم خاموش رہے۔

پیپلزپارٹی کی رہنماء کا کہنا تھا کہ پیپلزپارٹی اور کشمیریوں کا رشتہ اٹوٹ ہے، آصف علی زرداری صدر ہوتے تو مودی کشمیر میں ظلم کرنے کا سوچتے بھی نہیں۔

فریال تالپور کا یہ بھی کہنا تھا کہ عمران خان کی مودی سے ملاقات کے جنون کی سزا کشمیریوں کو ملی ، کشمیر کے سلسلے میں قوم ایک صفحہ پر تھی عمران خان نے انتشار پھیلایا۔

پیپلزپارٹی کی رہنماء فریال تالپور کا مزید کہنا تھا کہ چیئرمین بلاول بھٹو کشمیری عوام کو مایوس نہیں کرینگے۔

The post کارکنان پارٹی کے سفیر ہیں ، فریال تالپور appeared first on .