سی پیک سےعلاقائی روابط کےفروغ میں مدد ملےگی ، معید یوسف

وزیراعظم کے مشیر برائے قومی سلامتی معید یوسف نے کہا ہے کہ سی پیک سےعلاقائی روابط کےفروغ میں مددملےگی۔

تفصیلات کے مطابق وزیراعظم کے مشیر برائے قومی سلامتی معید یوسف نے پریس کانفرنس کرتے ہوئے کہا کہ بھارت کی پالیسیاں خطےکےمفادمیں نہیں ، پاکستان نےدہشتگردی کےخلاف کامیاب جنگ لڑی ،  وسط ایشیائی ریاستوں کےساتھ روابط کےفروغ کی ضرورت ہے۔

وزیراعظم کے مشیر برائے قومی سلامتی معید یوسف نے کہا کہ وزیراعظم ملک کواسلامی فلاحی ریاست بنانےکیلئےکوشاں ہیں ، معاشی استحکام اورملکی سلامتی کاآپس میں گہراتعلق ہے۔

اس سے قبل وزیر اعظم کے مشیر برائے قومی سلامتی امور ڈاکٹر معید یوسف نے اپنے ایک بیان میں کہا تھا کہ پاکستان افغانستان میں جنگ کی وجہ سے بری طرح متاثر ہوا، ہمیں 80 ہزار سے زائد شہریوں کا جانی اور 150 ارب ڈالر سے زائد کا معاشی نقصان اٹھانا پڑا۔

وزیر اعظم کے مشیر برائے قومی سلامتی امور نے کہا تھا کہ افغانستان میں انسانی بحران نہ پیدا ہو، یہ عالمی برادری کی اجتماعی ذمہ داری ہے۔

ڈاکٹر معید یوسف کا کہنا تھا کہ بھارت نے افغان سرزمین کو پاکستان کے خلاف دہشت گردی کے لیے استعمال کیا جبکہ پاکستان نے ہمیشہ افغانستان جنگ کے خاتمے کے لئے مذاکرات اور سیاسی تصفیے کی حمایت کی۔

وزیر اعظم کے مشیر برائے قومی سلامتی امور ڈاکٹر معید یوسف کا مزید کہنا تھا کہ طالبان نے بین الاقوامی برادری کے ساتھ کام کرنے کا اشارہ دیا ہے، عالمی برادری کو اپنی کوششوں کو مربوط کرنا چاہیے، برادری کو بڑی طاقتوں اور افغانستان کے قریبی پڑوسیوں کے ساتھ اتفاق رائے کے ساتھ آگے بڑھانا چاہیے۔

ڈاکٹر معید یوسف کا مزید کہنا تھا کہ بھارت نے فیک نیوز کے ذریعے پاکستان کے خلاف پروپیگنڈا کیا، دنیا آج بھارت کے بیانیے کو سچ سمجھنے کو تیار نہیں ہے،پاکستان بھارت کی حقیقت بیان کرنے کا کام جاری رکھے گا۔

The post سی پیک سےعلاقائی روابط کےفروغ میں مدد ملےگی ، معید یوسف appeared first on .