ماحولیاتی تبدیلی سے نمٹنا حکومت پاکستان کی اولین ترجیح ہے، وزیراعظم

وزیراعظم عمران خان نے کہا ہے کہ ماحولیاتی تبدیلی سے نمٹنا حکومت پاکستان کی اولین ترجیح ہے۔

تفصیلات کے مطابق وزیراعظم عمران خان سمیت 35 ممالک کے سربراہان اور نمائندگان نے ماحولیاتی تبدیلی سے متعلق اجلاس میں شرکت کی ۔

اجلاس میں وزیراعظم عمران خان نے ماحولیاتی تبدیلی سے نمٹنے کے لیے پاکستانی اقدامات سے آگاہ کیا جبکہ وزیراعظم نے 10 ارب درخت اور کلین انرجی ٹارگٹ پالیسی سے  بھی آگاہ کیا۔

وزیراعظم عمران خان نے ویڈیو لنک کے ذریعے اجلاس سے خطاب کرتے ہوئے کہا کہ کوشش ہے 2030 تک 60 فیصد کلین انرجی پر شفٹ ہوجائیں۔

وزیراعظم نے کہا کہ ماحولیاتی تبدیلی سے نمٹنا حکومت پاکستان کی اولین ترجیح ہے، پاکستان نے 2600 میگاواٹ کے کول پراجیکٹس کو ہائیڈروپاور پراجیکٹس پر شفٹ کردیا ہے۔

 عمران خان کا کہنا تھا کہ ترقی یافتہ ممالک کو ماحولیاتی تبدیلی سے متعلق ترقی پزیر ممالک کی مدد کرنی چاہیے جبکہ پیرس معاہدے میں ہونے والے وعدوں پر بھی  مکمل عملدرآمد ہونا چاہیے۔

وزیراعظم عمران خان کا مزید کہنا تھا کہ ماحولیاتی تبدیلی سے نمٹنے کے لیے پاکستان اپنا مثبت کردار ادا کرے گا۔

The post ماحولیاتی تبدیلی سے نمٹنا حکومت پاکستان کی اولین ترجیح ہے، وزیراعظم appeared first on .