شفاف الیکشن مانگنا نہ مفاہمت ہے اورنہ مزاحمت، رانا ثناءاللہ

مسلم لیگ (ن) پنجاب کے صدر رانا ثناءاللہ نے کہا ہے کہ شفاف الیکشن مانگنا نہ مفاہمت ہے اور نہ مزاحمت بلکہ یہ ہمارا حق ہے۔

تفصیلات کے مطابق مسلم لیگ (ن) کے قائد میاں محمد نواز شریف اور صدر میاں محمد شہباز شریف کی زیر صدارت گوجرانوالہ ڈویژن کا تنظیمی اجلاس ہوا جس میں مسلم لیگ کے سینئر رہنما احسن اقبال، رانا ثنا اللہ، خواجہ محمد آصف، اویس لغاری، امیر مقام، عطا اللہ تارڑ اور نزہت صادق و دیگر رہنما نے شرکت کی۔

اجلاس میں مریم نواز اور حمزہ شہباز لاہور سے آن لائن شریک ہوئے، اجلاس میں ملکی اور پارٹی صورتحال پہ تبادلہ خیال کیا جارہا ہے۔

مسلم لیگ (ن) پنجاب کے صدر رانا ثناءاللہ نے اجلاس میں خطاب کرتے ہوئے کہا کہ مسلم لیگ (ن) میں نہ دو بیانیے اور نہ اختلاف ہے، شفاف الیکشن مانگنا نہ مفاہمت ہے اورنہ مزاحمت بلکہ یہ ہمارا حق ہے۔

رانا ثناءاللہ نے کہا کہ جو بھی الیکشن شفاف اور فری اینڈ فیئر ممکن بنائے گا ہم اس کی بہت عزت کریں گے، ریاست کی دوام کے لئے فری اینڈ فیئر الیکشن کا انعقاد بہت ضروری ہے۔

The post شفاف الیکشن مانگنا نہ مفاہمت ہے اورنہ مزاحمت، رانا ثناءاللہ appeared first on .