ایئر ایمبولنس آنے میں تین سے چار دن لگیں گے، جواد عمر

لیجنڈری کامیڈین و اداکار عمر شریف کے بیٹے جواد عمر کا کہنا ہے کہ والد کے علاج کے لئے بیرون ملک منتقلی کے لئے ایئر ایمبولنس تین سے چار دن میں آئے گی۔

جواد نے کہا کہ والد کی طبیعت بہتر ہے ،امریکا میں بھی ڈاکٹروں کی ٹیم تیار ہے قوم سے دعاؤں کی درخواست ہے۔

دوسری جانب عمرشریف کو علاج کے لئے بیرون ملک منتقل کرنے کے لئے ایئرایمبولنس سے متعلق محکمہ صحت سندھ نے وفاقی وزارت خزانہ کو خط لکھا ہے۔

خط میں کہا گیا کہ ایئر ایمبولنس کو پاکستان آنے کی اجازت دی جائے، ایئر ایمبولنس کے لئے تمام اخراجات سندھ حکومت برداشت کرے گی۔

واضح رہے کہ اس سے قبل ایڈمنسٹریٹر کراچی مرتضیٰ وہاب کا اپنے ایک بیان میں کہنا تھا کہ حکومت سندھ عمر شریف کی فیملی کے ساتھ ہے۔

تفصیلات کے مطابق مرتضیٰ وہاب سے عمر شریف کے صاحبزادے جواد عمر کی ملاقات ہوئی تھی۔

اس موقع پر ان کا کہنا تھا کہ عمر شریف ہمارا اثاثہ ہیں، ان کے علاج و معالجہ کے لئے ہر ممکن مدد کریں گے۔

مرتضی وہاب کا کہنا تھا کہ عمر شریف کی طبیعت پہلے سے بہتر ہے، شہری انہیں ایک بار پھر اسی طرح اسٹیج پر دیکھنا چاہتے ہیں۔

ان کا کہنا تھا کہ وفاقی حکومت سے درخواست کی ہر ضروری کارروائی فوری مکمل کی جائے گی۔

واضح رہے کہ عمر شریف کے صاحبزادے جواد عمر کی جانب سے یہ درخواست کی گئی ہے کہ  آئیر ایمبولینس میں مزید تاخیر سے عمر شریف کی جان کو خطرہ لاحق ہوسکتا ہے، وفاقی حکومت جلد انتظامات کروائے۔

The post ایئر ایمبولنس آنے میں تین سے چار دن لگیں گے، جواد عمر appeared first on .