محمد زبیر محمدی میموریل کرکٹ ٹورنامنٹ میں مزید دو میچز کے فیصلے

کراچی ویسٹ کرکٹ کلب اور الرحمٰن کرکٹ کل  کی کامیابی  جبکہ فیڈرل اسپورٹس اور این کے یونیورسل کو شکست کا سامنا  کرنا پڑا،ندیم احمد اور اریب احمد کی عمدہ کارکردگی۔

تفصیلات کے مطابق  الرحمٰن کرٹ کلب کے زیر اہتمام منعقدہ محمد زبیر محمدی میموریل کرکٹ ٹورنامنٹ میں دو میچوں کا فیصلہ ہوگیا ٹی ایم سی کرکٹ گراؤنڈ پر کھیلے گئے پہلے میچ میں کراچی ویسٹ کرکٹ کلب نے فیڈرل اسپورٹس کو 88 رنز سے شکست دیدی ۔

کراچی ویسٹ نے پہلے بیٹنگ کرتے ہوئے 9 وکٹوں کے نقصان پر 218 رنز اسکور کئے ندیم احمد نے 50 رنز ، کامران احمد نے47 رنز ، راشد احمد نے 27 رنز اور نعمان خان نے 26 رنز اسکور کئے۔

 فیڈرل اسپورٹس کے اریب احمد نے شاندار بولنگ کا مظاہرہ کرتے ہوئے 28 رنز دے کر پ5 کھلاڑیوں کو آؤٹ کیا جبکہ سعد ابراہیم نے 2کھلاڑیوں کو آؤٹ کیا ۔

جواب میں فیڈرل اسپورٹس کی پوری ٹیم 25۰1 اوورز میں 130 رنز بنا کر آوٹ ہوگئی ،عذیر خان نے24 رنز ، حسنین آصف نے 23 رنز اور انس خان نے 20 رنز اسکور کئے  جبکہ وسیم خان ، راشد احمد اور عادل ندیم نے تین تین کھلاڑیوں کو آوٹ کیا۔

 دوسرے میچ میں الرحمٰن کرکٹ کلب نے این کے یونیورسل کرکٹ کلب کو7 وکٹوں سے شکست دیدی این کے یونیورسل کی پوری ٹیم پہلے بیٹنگ کرتے ہوئے صرف 73 رنز بناکر آؤٹ ہوگئی ،عبداللّہ وحید نے 25 رنز بنائےبابر احمد ، دلاور احمد اور جون نے دو دو کھلاڑیوں کو آؤٹ کیا۔

 جواب میں الرحمٰن کرکٹ کلب نے مطلوبہ ہدف 3 وکٹوں کے نقصان پر پورا کرلیا معین خان نے 27 رنز اور تابش مشتاق نے 17 رنز اسکور کئے  جبکہ محمد محتشم نے دو کھلاڑیوں کو آؤٹ کیا۔

The post محمد زبیر محمدی میموریل کرکٹ ٹورنامنٹ میں مزید دو میچز کے فیصلے appeared first on .