سردار عطا اللہ مینگل کا خلا کوئی پر نہیں کر سکتا، ایم کیو ایم رہنماء عامر خان

ایم کیو ایم پاکستان کے رہنماء عامر خان نے کہا ہے کہ عطا اللہ مینگل کی غیر موجودگی سے پاکستان کی سیاست کو نقصان ہوا ہے۔

تفصیلات کے مطابق ایم کیو ایم پاکستان کے رہنماء عامر خان نے میڈیا سے گفتگو کرتے ہوئے کہا کہ سردار عطا اللہ مینگل کا خلا کوئی پر نہیں کر سکتا، اللہ تعالی سردار صاحب کی مغفرت فرمائے۔

رہنماء عامر خان کا کہنا تھا کہ عطا اللہ مینگل کی وفات سے ایک سیاسی باب بند ہوا ہے، دعاگو ہیں کہ اللہ تعالی گھر والوں کو صبر جمیل عطا فرمائے۔

ایم کیو ایم پاکستان کے رہنماء عامر خان کے ہمراہ موجود ایم کیو ایم پاکستان کے رہنماء رؤف صدیقی نے بھی میڈیا سے گفتگو کرتے ہوئے کہا کہ عطا اللہ مینگل روایت اور نفاست کا سردار صاحب بہت خیال رکھتے تھے، عطا اللہ کی غیر موجودگی سے پاکستان کی سیاست کو نقصان ہوا ہے۔

ایم کیو ایم پاکستان کے رہنماء رؤف صدیقی نے عطا اللہ مینگل کے لئے شعر پڑھا کہ خواب سجا کر میری آنکھیں ایسے خون رلاتی ہیں، جیسے مقتل میں سب چہرے میرے اپنے چہرے ہوں۔

واضح رہے کہ عطا اللہ مینگل بلوچستان کے پہلے وزیر اعلیٰ تھے، عطا اللہ مینگل سینئر سیاستدان تھے، سردار عطاء اللہ مینگل کافی عرصے سے علیل تھے اور وہ چند ہفتے سے مقامی اسپتال میں زیرِ علاج رہے اور کچھ دنوں بعد انتقال کرگئے تھے۔

سردار عطا اللہ مینگل قبیلے میں سردار تھے جبکہ سردار عطاء اللہ مینگل ذوالفقار علی بھٹو کے دورِ حکومت میں بلوچستان کے وزیر اعلیٰ بھی رہے۔

The post سردار عطا اللہ مینگل کا خلا کوئی پر نہیں کر سکتا، ایم کیو ایم رہنماء عامر خان appeared first on .