عاطف اسلم کی ڈرامہ انڈسٹری میں انٹری

پاکستانی گلوکار عاطف اسلم نے گلوکاری کے بعد اب ڈرامہ انڈسٹری میں بھی قدم رکھ دیا۔

گلوکار نے فوٹو اینڈ ویڈیو شیئرنگ ایپ انسٹاگرام کا رُخ کیا جہاں اُنہوں نے اپنے ایک ویڈیو پیغام کے ذریعے مداحوں کو بڑی خوشخبری دی۔

انہوں نے اپنے تصدیق شدہ انسٹاگرام اکاؤنٹ پر اپنی ایک ویڈیو شیئر کی جوکہ اُن کے ڈیبیو ڈرامہ سیریل سنگِ ماہ کے سیٹ پر بنائی گئی ہے۔

 

View this post on Instagram

 

A post shared by Atif Aslam (@atifaslam)

اپنے ویڈیو پیغام میں عاطف اسلم نے کہا کہ میں اس وقت اپنے ڈیبیو ڈرامہ سیریل سنگِ ماہ کے سیٹ پر موجود ہوں۔

عاطف اسلم نے اپنے مداحوں سے مخاطب ہوتے ہوئے کہا کہ ہاں ،میں ایک ڈرامہ سیریل کر رہا ہوں اور مجھے آپ کی دُعاؤں کی ضرورت ہے۔

گلوکار نے کہا کہ آپ نے ہمیشہ مجھے اپنی محبت سے نوازا ہے اور مجھے امید ہے کہ آپ اس بار بھی ایسا ہی کریں گے۔

اُنہوں نے کہا کہ میں اپنے مداحوں کے لئے بہت جلد ایک نیا پراجیکٹ لے کر آرہا ہوں لہٰذا میرے ساتھ رہیں۔

عاطف اسلم کی جانب سے ملنے والی خوشخبریاں سُن کر مداح پُرجوش ہوگئے اور وہ گلوکار کے نئے پراجیکٹس کا بےصبری سے انتظار کررہے ہیں۔

The post عاطف اسلم کی ڈرامہ انڈسٹری میں انٹری appeared first on .