بلوچستان عوامی پارٹی کے ترقیاتی اقدامات ایک مثال ثابت ہونگے ، وزیراعلیٰ بلوچستان

وزیراعلیٰ بلوچستان جام کمال خان نے کہا ہے کہ بلوچستان عوامی پارٹی کے ترقیاتی اقدامات ایک مثال ثابت ہونگے۔

تفصیلات کے مطابق وزیراعلیٰ بلوچستان جام کمال خان سے بی اے پی کے رہنما میر عاصم کرد گیلو کی قیادت میں وفد نے ملاقات کی جس میں وفد نے وزیراعلیٰ بلوچستان کی قیادت پر مکمل اعتماد کا اظہار کیا ۔

انہوں نے کہا کہ میں اپنی پارٹی کے اراکین اور دوستوں کا مشکور ہوں جنہوں نے ہمیشہ مجھ پر بھرپور اعتماد کیا ، بلوچستان عوامی پارٹی صحیح معنوں میں ایک ترقی پسند جماعت بن کر ابھری ہے ، پارٹی نے بلوچستان کو ترقی اور خوشحالی کی راہ پر گامزن کر دیا ہے۔

وزیراعلیٰ بلوچستان جام کمال خان نے کہا کہ پارٹی بلا رنگ ونسل صرف صوبے کی عوام کی ترقی وترویج کے مشن پر گامزن ہے ،  تین سال قبل بی اے پی نے جو منشور پیش کیا تھا  الحمداللہ آج ہم کہہ سکتے ہیں کہ ہم نےاس منشور سے بھی آگے جا کر کام کیا۔

جام کمال خان نے کہا کہ ترقیاتی عمل کا مشاہدہ نہ صرف یہاں کی عوام خود کر رہی ہے بلکہ باہر سے آنے والے لوگ بھی اس کا اعتراف کر رہے ہیں ،  بلوچستان عوامی پارٹی میں اللہ کے فضل سے بہت قد آور مخلص اور محنتی لوگ شامل ہیں۔

انہوں نے کہا کہ ورکرز پارٹی کے عہدیدار اور پارٹی کے سپورٹرز جماعت کے اہم ستون ہیں ، جو کام بے اے پی نے کیے ہیں وہ انشاءاللہ پارٹی کے ہر کارکن کا بیانیہ بنیں گے۔

واضح رہے کہ وزیراعلیٰ بلوچستان جام کمال خان نے ورکرز اور کارکنان کو پارٹی کو مزید فعال و بہتر بنانے کی ہدایت بھی دی ہے۔

The post بلوچستان عوامی پارٹی کے ترقیاتی اقدامات ایک مثال ثابت ہونگے ، وزیراعلیٰ بلوچستان appeared first on .