نیوزی لینڈ کے دورہ پاکستان منسوخی پر مایوسی ہوئی، ڈیرن سیمی

ویسٹ انڈیز کرکٹ ٹیم کے سابق کپتان ڈیرن سیمی نے کہا ہے کہ نیوزی لینڈ کے دورہ پاکستان منسوخی پر مایوسی ہوئی ہے۔

تفصیلات کے مطابق ویسٹ انڈیز ٹیم کے سابق کپتان ڈیرن سیمی نے سماجی رابطے کی ویبسائٹ ٹویٹر پر اپنے جاری کردہ بیان میں کہا کہ 6 سال سے پاکستان جا کر کھیل رہا ہوں، بہترین تجربہ رہا۔

Disappointed waking up to the news of the cancellation of the Pakistan Vs New Zealand series because of security issues.Over the last 6 years playing and visiting Pakistan has been one of the most enjoyable experiences. I’ve always felt safe. this is a massive blow to Pakistan

— Daren Sammy (@darensammy88) September 17, 2021

ان کا کہنا تھا کہ پاکستان کو میں نے محفوظ ملک پایا ہے، سیکیورٹی کا جواز بنا کر دورہ منسوخ کرنے پر افسوس ہوا ہے۔

ویسٹ ینڈیز کرکٹ ٹیم کے سابق کپتان ڈیرن سیمی کا مزید کہنا تھا کہ نیوزی لینڈ کا دورہ منسوخ ہونے سے پاکستانی کرکٹ کو نقصان ہو گا۔

واضح رہے کہ   آج نیوزی لینڈ کرکٹ بورڈ نے پی سی بی کو آگاہ کیا  تھا کہ انہیں سیکیورٹی کے حوالے سے الرٹ کیا گیا ہے اس لیے یکطرفہ طور پر سیریز ملتوی کرنے کا فیصلہ کیا ہے۔

پاکستان کرکٹ بورڈ اور حکومت پاکستان نے مہمان ٹیم کی سیکیورٹی کے لیے فول پروف انتظامات کررکھے تھے جس پر   نیوزی لینڈ ٹیم کے آفیشلز نے اطمینان کا اظہار کیا تھا۔

اس سے قبل وزیر اعظم  عمران خان  نے ذاتی طور پر نیوزی لینڈ کی وزیراعظم  جیسنڈا آرڈرن سے رابطہ کرکے انہیں بتایا  تھا کہ ہماری سیکیورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکیورٹی تھریٹ نہیں ہے۔

The post نیوزی لینڈ کے دورہ پاکستان منسوخی پر مایوسی ہوئی، ڈیرن سیمی appeared first on .