الکا یاگنک کو عمران عباس کے کس ڈرامے کا انتظار ہے؟

بھارتی گلوکارہ الکا یاگنک کو پاکستانی اداکار عمران عباس کے نئے آنے والے ڈرامے امانت کا بےصبری سے انتظار ہے۔

الکا یاگنک نے عمران عباس کی پوسٹ پر آنے والے ڈرامے کے نشرہونے کے حوالے سے پوچھتے ہوئے کمنٹ میں لکھا کہ کب کب کب؟

عمران عباس کی جانب سے جواب میں لکھا گیا کہ کچھ ہی ہفتوں میں یہ ٹی وی اسکرینز پر ہوگا، آپ ڈرامے سے متعلق اپنی رائے سے ضرور آگاہ کیجیئے گا۔

واضح رہے کہ یہ پہلی مرتبہ نہیں ہوا کہ سرحد پار سے عمران عباس نے ایسا کوئی کمنٹ موصول کیا ہو۔

اس سے قبل بھی الکا اور عمران عباس میں پیغامات کا تبادلہ ہوچکا ہے۔

بھارتی گلوکارہ الکا یاگنک نے عمران عباس کی ڈرائیونگ کرتے گلوکاری کی تعریف کرتے ہوئے کہا تھا کہ آپ بہت اچھا گاتے ہیں اور ڈرائیونگ بھی اس سے زیادہ اچھی کرتے ہیں۔

The post الکا یاگنک کو عمران عباس کے کس ڈرامے کا انتظار ہے؟ appeared first on .