سیکیورٹی کا کوئی مسئلہ نہیں، پاکستان کے تمام سیکیورٹی ادارے ہائی الرٹ ہیں، وزیر داخلہ

وزیر داخلہ نے پاک نیوزی لینڈ سیریز ملتوی ہو نے سے متعلق کہا ہےکہ سیکیورٹی کا کوئی مسئلہ نہیں، پاکستان کے تمام سیکیورٹی ادارے ہائی الرٹ ہیں۔

تفصیلات کے مطابق وفاقی وزیر داخلہ شیخ رشید احمد کا اس حوالے سے مزید کہنا ہے کہ نیوزی لینڈ کی ٹیم کیوں واپس جارہی ہے، تھوڑی دیر بعد پریس کانفرنس کرکے میں وجہ بتاؤں گا۔

واضح  رہےکہ پاکستان میں 18  سال بعد آج سے پاک نیوزی لینڈ سیریز شروع ہونے جا رہی تھی۔ نیوزی لینڈ ٹیم اسٹیڈیم کیلئے روانہ ہونے والی تھی کہ سیریز کو منسوخ کر دیا گیا۔

پاکستان کرکٹ بورڈ کا اس بارے میں کہنا ہے کہ نیوزی لینڈ نے یکطرفہ طور پر سیریز منسوخ کی ہے۔ مہمان ٹیم کیلئے فول پروف سیکیورٹی انتظامات کیے گئے تھے۔

The security officials with the NZ team have been satisfied with security arrangements made by the Govt of Pakistan throughout their stay here. 3/4

— Pakistan Cricket (@TheRealPCB) September 17, 2021

پاکستان کرکٹ بورڈ کا کہنا ہے کہ وہ دورہ شیڈول کے مطابق جاری رکھنے کا خواہاں ہے تاہم نیوزی لینڈ کے اس اچانک یکطرفہ فیصلے سے کرکٹ شائقین کو بھی مایوسی ہوئی ہے۔

واضح رہے کہ میچ آج دوپہر ڈھائی بجے شروع ہونا تھا لیکن شائقین کو اسٹیڈیم کے اندر داخل ہونے کی اجازت نہیں دی گئی۔

The post سیکیورٹی کا کوئی مسئلہ نہیں، پاکستان کے تمام سیکیورٹی ادارے ہائی الرٹ ہیں، وزیر داخلہ appeared first on .