پاک نیوزی لینڈ سیریز ملتوی : عمران خان کا نیوزی لینڈ کی وزیراعظم سے رابطہ

وزیراعظم عمران خان سے رابطے میں نیوزی لینڈ کی وزیر اعظم جیسنڈا آرڈرن نے احتیاطی طورپر نیوزی لینڈ ٹیم کا دورہ ملتوی کرنے کی استدعا کی۔

تفصیلات کے مطابق اس حوالے سے وفاقی وزیر اطلاعات ونشریات  فواد چوہدری نے سماجی رابطے کی ویب سائٹ ٹوئٹر پرجاری  اپنے پیغام میں کہا کہ کچھ دیر قبل وزیراعظم عمران خان نے نیوزی لینڈ کی وزیر اعظم جیسنڈا آرڈرن سے رابطہ کیا اور انہیں یقین دلایا کہ پاکستان میں نیوزی لینڈ ٹیم کوفول پروف سیکیورٹی میسر ہے ، نیوزی لینڈ کی سیکیورٹی نےانتظامات پر اطمینان کا اظہار کیا ہے۔

 وفاقی وزیر اطلاعات ونشریات  فواد چوہدری کا کہنا تھا کہ ہماری انٹیلی جنس ایجنسیزبہترین انٹیلی جنس سسٹم میں شامل ہیں، ان کی رائےمیں نیوزی لینڈ کی ٹیم کو کسی قسم کے خطرہ نہیں ، جیسنڈا آرڈرن نے احتیاطی طورپردورہ ملتوی کرنے کی استدعا کی۔

اب سے کچھ دیر قبل وزیر اعظم عمران خان نے نیوزی لینڈ کی وزیر اعظم سے رابطہ کیا اور یقین دلایا کہ پاکستان میں نیوزی لینڈ کی ٹیم کو فول پروف سیکیورٹی میسر ہے اور PCB کے مطابق خود نیوزی لینڈ کی سیکیورٹی نے پاکستان کے سیکیورٹی انتظامات پر اطمینان کا اظہار کیا ہے،

— Ch Fawad Hussain (@fawadchaudhry) September 17, 2021

واضح رہےکہ  پاکستان میں 18  سال بعد آج سے پاک نیوزی لینڈ سیریز شروع ہونے جا رہی تھی۔ نیوزی لینڈ ٹیم اسٹیڈیم کیلئے روانہ ہونے والی تھی کہ سیریز کو منسوخ کر دیا گیا۔

پاکستان کرکٹ بورڈ کا اس بارے میں کہنا ہے کہ نیوزی لینڈ نے یکطرفہ طور پر سیریز منسوخ کی ہے۔ مہمان ٹیم کیلئے فول پروف سیکیورٹی انتظامات کیے گئے تھے۔

The security officials with the NZ team have been satisfied with security arrangements made by the Govt of Pakistan throughout their stay here. 3/4

— Pakistan Cricket (@TheRealPCB) September 17, 2021

پاکستان کرکٹ بورڈ کا کہنا ہے کہ وہ دورہ شیڈول کے مطابق جاری رکھنے کا خواہاں ہے تاہم نیوزی لینڈ کے اس اچانک یکطرفہ فیصلے سے کرکٹ شائقین کو بھی مایوسی ہوئی ہے۔

واضح رہے کہ میچ آج دوپہر ڈھائی بجے شروع ہونا تھا لیکن شائقین کو اسٹیڈیم کے اندر داخل ہونے کی اجازت نہیں دی گئی۔

The post پاک نیوزی لینڈ سیریز ملتوی : عمران خان کا نیوزی لینڈ کی وزیراعظم سے رابطہ appeared first on .