پاک نیوزی لینڈ سیریز کے اچانک التواء سے شدید مایوسی ہوئی ہے، بابراعظم

قومی کرکٹ ٹیم کے کپتان بابراعظم کا کہنا ہے کہ پاک نیوزی لینڈ سیریزکے اچانک التواء سےشدید مایوسی ہوئی ہے۔

تفصیلات کے  نیوزی لینڈ کرکٹ بورڈ نے سیکورٹی خدشات کے پیش نظر سیریزملتوی کردی ہے ، اس حوالے سے بابر اعظم کا کہنا ہے کہ سیریزسے کرکٹ شائقین کے چہروں پرخوشی آسکتی تھی۔

انہوں نے کہا کہ  مجھےسیکیورٹی ایجنسیزکی صلاحتیوں پرمکمل اعتما د ہے، سیکیورٹی ایجنسیاں ہمارا فخر ہیں اورہمیشہ رہیں گی۔

 واضح رہے کہ پاکستان کرکٹ بورڈ( پی سی بی) کے جاری کردہ اعلامیہ کے مطابق آج نیوزی لینڈ کرکٹ بورڈ نے آگاہ کیا ہے کہ انہیں سیکورٹی کے حوالے سے الرٹ کیا گیا ہے اس لئے یکطرفہ طور پر سیریز ملتوی کرنے کا فیصلہ کیا ہے۔

خیال رہے کہ پاکستان اور نیوزی لینڈ ٹیموں کے مابین اب تک 107 ون ڈے کھیلے جاچکے ہیں، جن میں سے 55 میں پاکستان جبکہ 48 میں نیوزی لینڈ نے کامیابی حاصل کی ہے، 1 میچ برابر جبکہ 3 بے نتیجہ ختم ہوئے ، نیوزی لینڈ نے آخری مرتبہ 2003 میں پاکستان کا دورہ کیا تھا۔

The post پاک نیوزی لینڈ سیریز کے اچانک التواء سے شدید مایوسی ہوئی ہے، بابراعظم appeared first on .