عمرکوٹ میں دو گروہوں میں تصادم، کلہاڑیوں اور ڈنڈوں کا آزادانہ استعمال

عمرکوٹ میں دو گروہوں نے لڑائی کرتے ہوئے کلہاڑیوں اور ڈنڈوں کا آزادانہ استعمال کیا۔

تفصیلات کے مطابق یہ افسوسناک واقعہ عمرکوٹ کے منوں مالہی محلے میں پیش آیا جہاں پلاٹ کے تنا زعے پر مالہی برادری کے دو گروہوں میں تصادم ہو گیا اور اس تصادم کے دوران لوگوں نے کلہاڑیوں اور ڈنڈوں کا آزادانہ استعمال کیا۔

ذرائع کا کہنا ہے کہ اس تصادم کی وجہ سے تین خواتین سمیت 11 افراد زخمی ہو گئے ہیں اور 3 زخمیوں کو تشویشناک حالت میں حیدرآباد ریفر کیا گیا ہے۔

ذرائع کے مطابق بھیرو مالہی نامی زخمی فرد نے دوران علاج حیدرآباد میں دم توڑ دیا ہے اور اس کے ساتھ 2 افراد کی حالت بھی نازک بتائی جا رہی ہے۔

ذرائع کا کہنا ہے کہ زخمیوں میں نرسنگ، جئے کمار، موھن لال، دُرگا شنگر سمیت دیگر افراد شامل ہیں۔

ذرائع کا مزید کہنا تھا کہ دونوں گروہوں کی جانب سے ہسپتال کا گھیراؤ کیا گیا اور اطلاع ملتے ہی پولیس کی بھاری نفری معاملے کو کنٹرول کرنے پہنچ گئی۔

The post عمرکوٹ میں دو گروہوں میں تصادم، کلہاڑیوں اور ڈنڈوں کا آزادانہ استعمال appeared first on .