ترقیاتی منصوبوں کی جلد تکمیل حکومت کی اولین ترجیح ہے، وزیراعظم

وزیراعظم عمران خان نے کہا ہے کہ پنجاب میں جاری ترقیاتی منصوبوں کی جلد تکمیل حکومت کی اولین ترجیح ہے۔

تفصیلات کے مطابق وزیراعظم عمران خان کی زیر صدارت لاہور میں انتظامی ڈھانچے کی بہتری کے حوالے سے اٹھائے جانے والے اقدامات  پر جائزہ اجلاس ہوا جس میں وزیر اعلیٰ پنجاب سردار عثمان بزدار چیف سیکرٹری پنجاب اور آئی جی پنجاب نے شرکت کی۔

اجلاس میں چیف سیکرٹری پنجاب کامران علی افضل نے وزیراعظم عمران خان کو بریفنگ دیتے ہوئے کہا کہ مہنگائی پر قابو پانے کے لیےشہریوں کو  بنیادی اشیائے خوردونوش کی مناسب نرخوں پر فراہمی کو یقینی بنانے کے لیے اقدامات کے جا ر ہے ہیں۔

 چیف سیکرٹری پنجاب کامران علی افضل نے مزید کہا کہ پنجاب کے انتظامی فیصلوں میں شفافیت اور میرٹ کو مدنظر رکھا جائے گا جبکہ پنجاب میں کرپشن اور بدعنوانی کو ہرگز برداشت نہیں کیا جائے گا۔

  اس موقع پر انسپکٹر جنرل پنجاب سردار علی خان نے  وزیراعظم عمران خان کو صوبہ بھر میں  پولیس کی اصلاحی ترجیحات پر بریفنگ دیتے ہوئے کہا کہ پنجاب پولیس  عوام کے بنیادی مسائل اور شکایات کو فوری طور پر حل کرنے کے لیے اقدامات کر رہی ہے۔

اجالس کی صدارت کرتے ہوئےوزیراعظم عمران خان نے ہدایات دیتے ہوئے کہا کہ پنجاب میں انتظامی ڈھانچے کو عوام کی سہولت کے لیے مزید موثر بنایا جائے اس کے علاوہ عوام کو اشیائے خوردنوش کی فراہمی کم قیمت پر یقینی بنایا جائے۔

 عمران خان نے خصوصی ہدایت کی کہ عوام کی پولیس سٹیشن تک رسائی اور ان کی شکایات کی فوری دادرسی کے لیے موثر میکنزم ترتیب دیا جائے۔

وزیراعظم عمران خان نے خصوصی  طور پر زور دیا کہ پولیس  کسی بھی قسم کی سیاسی وابستگی سے بالاتر ہو کر عوام کی خدمت اور انصاف کی فراہمی کو یقینی بنانے کے لیے ہر ممکن اقدامات کرے۔

دوسری جانب لاہور میں وزیراعظم عمران خان سے پنجاب کے چیف سیکریٹری کامران علی افضل اور آئی جی راؤ سردار نے بھی ملاقات کی۔

ملاقات میں گورننس کے نئے نظام اور امن و امان کی صورت حال پر بریفنگ دی گئی۔

وزیراعظم عمران خان سے چیف سیکرٹری پنجاب اور آئی جی پنجاب کی ملاقات کے دوران  وزیر اعلیٰ عثمان بزدار  بھی موجود تھے۔

The post ترقیاتی منصوبوں کی جلد تکمیل حکومت کی اولین ترجیح ہے، وزیراعظم appeared first on .