عوام کی سماجی ترقی کے تمام اہداف کے حصول کیلئے ہرممکن کوشش کی جارہی ہے، وزیر خزانہ

وزیر خزانہ شوکت ترین نے کہا کہ عوام کے سماجی و اقتصادی ترقی کے تمام اہداف کے حصول کیلئے ہرممکن کوشش کی جارہی ہے۔

تفصیلات کے مطابق وزیر خزانہ شوکت ترین نے جرمن تاجروں کے وفد سے ملاقات کی جس میں وزیر خزانہ نے پاکستان اور جرمنی کے درمیان تجارت اور سرمایہ کاری کے حوالے سے تعلقات کو مزید مضبوط کرنے کی ضرورت کر زور دیا۔

ملاقات میں جرمن تاجروں کے وفد نے پاکستان کی سرمایہ کاری پالیسی اور غیر ملکی سرمایہ کے فروغ اور سرمایہ کاروں کی سہولت کے لئے اٹھائے گئے اقدامات پر بریفنگ دی، جرمن وفد نے پاکستان میں زراعت، قابل تجدید توانائی اور آئی ٹی سمیت مختلف شعبوں سرمایہ کاری کے مواقع پر تبادلہ خیال بھی کیا گیا۔

شوکت ترین نے کہا کہ معیشت ترقی کی راہ پر گامزن ہے، عوام کے سماجی و اقتصادی ترقی کے تمام اہداف کے حصول کیلئے ہرممکن کوشش کی جارہی ہے۔

وزیر خزانہ شوکت ترین کا کہنا تھا کہ زرعی پیداوار میں اضافہ کے لیے ایگریکلچر ٹرانسفرمیشن پلان کا جلد افتتاح کیا جائے گا، کسانوں کو زرعی مداخل اور مشنری کیلئے چھوٹے قرضے دیئے جائیں گے۔

The post عوام کی سماجی ترقی کے تمام اہداف کے حصول کیلئے ہرممکن کوشش کی جارہی ہے، وزیر خزانہ appeared first on .