ہم نے آج مشترکہ پارلیمانی اجلاس سے صدارتی خطاب کا بائیکاٹ کیا ہے، چیئرمین پیپلز پارٹی

چیئرمین پیپلز پارٹی بلاول بھٹو زرداری نے ٹوئٹر پر جاری ایک پیغام میں کہا کہ ہم نے آج الیکشن کمیشن کی تذلیل کے خلاف بطور احتجاج مشترکہ پارلیمانی اجلاس سے صدارتی خطاب کا بائیکاٹ کیا ہے۔

تفصیلات کے مطابق چیئرمین پیپلز پارٹی بلاول بھٹو زرداری نے ٹوئٹر پر جاری ایک پیغام میں کہا کہ ہم نے آج آزاد میڈیا کی آواز کو دبانے کیلئے کالے حکومتی قانون کے خلاف بطور احتجاج مشترکہ پارلیمانی اجلاس سے صدارتی خطاب کا بائیکاٹ کیا ہے۔

انہوں نے کہا کہ ہم نے آج 20 ہزار خاندانوں کو بیروزگار کردینے کے سیاہ فیصلوں کے خلاف بطور احتجاج مشترکہ پارلیمانی اجلاس سے صدارتی خطاب کا بائیکاٹ کیا ہے۔

چیئرمین پیپلز پارٹی بلاول بھٹو زرداری نے کہا کہ ہم نے آج صحافت اور اپوزیشن سے مسلسل سیاسی انتقام کے خلاف بطور احتجاج مشترکہ پارلیمانی اجلاس سے صدارتی خطاب کا بائیکاٹ کیا ہے۔

ہم نے آج، آزاد میڈیا کی آواز کو دبانے کیلئے کالے حکومتی قانون، 20 ہزار خاندانوں کو بیروزگار کردینے کے سیاہ فیصلوں، الیکشن کمیشن کی تذلیل، صحافت اور اپوزیشن سے مسلسل سیاسی انتقام کے خلاف بطور احتجاج، مشترکہ پارلیمانی اجلاس سے صدارتی خطاب کا بائیکاٹ کیا ہے۔ https://t.co/arCCIwghm9

— BilawalBhuttoZardari (@BBhuttoZardari) September 13, 2021

اس سے قبل پاکستان پیپلز پارٹی کے چیئر مین بلاول بھٹو کا کہنا تھا کہ پی ایم ڈی اےآزادی اظہاررائےپرپابندی اورعدلیہ کےحق پرڈاکاہے ، حکومت نےکالاقانون پاس کروایاتوعدالت کو چیلنج کرینگے۔

انہوں نے کہا تھا کہ بےنظیربھٹونےوزیراعظم بن کرپابندیاں ختم کیں ، ہم نےملکرآمروں کےکالےقوانین کوختم کیا ، عوام کی آواز دبانے کے لیے کالا قانون لا رہے ہیں ، یہ کالا قانون ہے ، ایوب، ضیاء اور مشرف کے کالے قانون کو ہم نے اپنا قانون لا کر صاف کیا ، یہ کالا قانون معاشی حملہ ہے۔

پیپلز پارٹی کے چیئر مین بلاول بھٹو نے کہا تھا کہ پیپلز پارٹی یہاں ہی نہیں پارلیمنٹ میں بھی آپ کے حق میں آواز اٹھائے گی ، ماضی کی طرح جس طرح ملکر ایوب خان اور ضیاء الحق کے کالے قانون کو ختم کیا اسی طرح اب بھی کھڑے رہیں گے، لایا جانے والا قانون آزاد صحافت پر حملہ ہے۔

بلاول بھٹو نے کہا تھا کہ یہ ایک معاشی حملہ اور ڈاکہ ہے، پارلیمان میں بھی صحافیوں کے لیے آواز اٹھائیں گے، جہاں بھی صحافی احتجاج کی کال دیں گے ہم شانہ بشانہ کھڑے رہیں گے ، قانون سے متعلق ہمارے ساتھ کوئی بات نہیں کی گئی، لگتا ہے وہ یہ قانون بلڈوز کرنا چاہتے ہیں۔

پاکستان پیپلز پارٹی کے چیئر مین بلاول بھٹو نے کہا تھا کہ کالا قانون بنتا بھی ہے تو عدالت میں چیلنج کریں گے، مشترکہ اجلاس کے دوران احتجاج کریں گے، مشترکہ اجلاس کے دوران دو نقاط پر احتجاج کریں گے۔

The post ہم نے آج مشترکہ پارلیمانی اجلاس سے صدارتی خطاب کا بائیکاٹ کیا ہے، چیئرمین پیپلز پارٹی appeared first on .