خاتون چلتی ٹرین کے سامنے آگئی ،ویڈیو وائرل

بھارت میں چلتی ٹرین کی پٹری پر آنے والی خاتون کو معجزانہ طور پر نئی زندگی مل گئی۔

غیر ملکی خبر رساں ادارے کی رپورٹ کے مطابق یہ واقعہ بھارتی ریاست مہاراشٹرا میں پیش آیا جہاں ایک عورت چلتی ٹرین کے سامنے آگئی تاہم ریلوی پولیس اہلکار نے خاتون کی جان بچا لی۔

رپورٹ میں بتایا گیا کہ پولیس اہلکار کی حاضر دماغی کے باعث خاتون کو نئی زندگی ملی گئی، اہلکار نے دور سے ہی کسی عورت کو پٹری پر آتے دیکھ لیا تھا۔

 پولیس اہلکار نے فوراً ٹرین کو ہنگامی طور پر رکنے کا اشارہ کیا جس پر ریل کے ڈرائیور نے ٹرین روک دی اس طرح خاتون کی جان بچ گئی۔

یہ واقعہ صبح 10 بجے کے قریب پیش آیا جس کی ویڈیو سوشل میڈیا پر وائرل ہوگئی ہے۔

ویڈیو میں دیکھا جا سکتا ہے کہ ٹرین اپنی پٹری پر خاتون کی جانب بڑھ رہی تھی لیکن اشارہ ملتے ہی ڈرائیور نے ریل کی رفتار ہلکی کردی۔

ٹرین رکنے پر پولیس اہلکار سمیت دیگر عملے نے خاتون کو پٹری سے ہٹایا ،ابتدائی طور پر کہا گیا ہے کہ خاتون کا ذہنی توازن درست نہیں جس کے باعث انہوں نے یہ اقدام اٹھایا۔

واضح رہے کہ خاتون کی شناخت سوبادھرا کے نام سے ہوئی جو مہاراشٹرا کے علاقے پال نگر کی رہائشی ہیں۔

The post خاتون چلتی ٹرین کے سامنے آگئی ،ویڈیو وائرل appeared first on .