کنٹونمنٹ بورڈ الیکشن،سیاسی جماعتوں میں پارا ہائی

سرگودھا میں کنٹونمنٹ بورڈ  الیکشن کے موقع پر سیاسی جماعتوں میں پارا ہائی ہو گیا۔

تفصیلات کے مطابق کنٹونمنٹ بورڈ الیکشن میں چند گھنٹے باقی ہیں  ،سیاسی گرما گرمی عروج  پر ہے۔

 سرگودھا میں رات گئے صوبائی وزیرِ عنصر مجید کی وارڈ نمبر 9 میں انٹری کے موقع پر لیگی کارکنوں نے  شدید احتجاج اور نعرہ بازی کی۔

ذرائع کا کہنا ہے کہ لیگی کارکنوں نے صوبائی وزیر عنصر مجید کا راستہ روک لیا، صوبائی وزیر عنصر مجید پر لیگی کارکنوں نے مبینہ دھاندلی کا الزام لگا دیا ۔

لیگی رہنماؤں کا کہنا ہےکہ صوبائی وزیر کنٹونمنٹ الیکشن کی آخری رات میں ووٹوں کی خریداری کرنے آئے ہیں۔

لیگی رہنما ؤں کا کہنا ہے کہ کہ  صوبائی وزیر عنصر مجید، تحریک انصاف کے امیدوار محمد آصف رات گئے کمپین کر رہے ہیں۔

ان کا کہنا ہے کہ  چک 78 شمالی اور دیگر کالونیوں سے صوبائی وزیر نے متعدد افراد کے آئی ڈی کارڈ وصول کئے ہیں، لیگی رہنماؤں نے اپیل کی ہے کہ رات گئے صوبائی وزیر کی کمپین کا الیکشن کمیشن فوری نوٹس لے۔

صوبائی وزیر عنصر مجید نیازی کا کہنا ہے کہ میں یہاں عیادت کیلئے آیا ہوں کمپین کرنے کا الزام من گھڑت ہے اور  آئی  ڈی کارڈ اکٹھے کرنے کا الزام بے بنیاد ہے۔

The post کنٹونمنٹ بورڈ الیکشن،سیاسی جماعتوں میں پارا ہائی appeared first on .