ایسا نظام لا رہے ہیں جس میں سیاستدان لوٹ مار نہ کریں،شہباز گل

وزیر اعظم عمران خان کے معاون خصوصی شہباز گل نے کہا ہے کہ ایسا نظام لا رہے ہیں جس میں سیاستدان لوٹ مار نہ کریں۔

تفصیلات کے مطابق معاون خصوصی شہباز گل نے اپنے ایک بیان میں کہا ہے کہ ملک میں مہنگائی کا بہت بڑا ایشو ہے، پاکستان میں مہنگائی کا ایشو پہلی بار نہیں آیا۔

شہباز گل کا کہنا تھا کہ ملک کو مہنگائی کی دلدل میں دھکیلنے والی اپوزیشن ہے،مہنگائی کا مستقل حل نکالنے میں وقت لگے گا۔

ان کا کہنا تھا کہ پاکستان مجموعی طور پر بہتری کی طرف جا رہا ہے، عوام کے وسائل پر کسی کو بھی لوٹ مار نہیں کرنے دیں گے۔

معاون خصوصی شہباز گل کا کہنا تھا کہ ہماری حکومت میں کسانوں کو اکانومی میں بہت زیادہ شیئر ملے ہیں،کسانوں کی جیب میں11سو ارب روپے اضافی گئے ہیں۔

ان کا کہنا تھا کہ کوئی بھی حکومت 5یا 10 سالوں میں مسائل پر قابو نہیں پا سکتی، دائمی مسائل کے حل کے لئے 40سے 50 سال درکار ہوتے ہیں۔

شہباز گل کا کہنا تھاکہ الیکڑک ووٹنگ مشین بہت سے ممالک میں چل رہی ہے، الیکڑک ووٹنگ مشین بھی ایک ٹیکنالوجی ہے۔

ان کا کہنا تھا کہ الیکشن کمیشن ممبران کی کلائیوں پر ڈیجیٹل گھڑیاں بھی لگی دیکھی ہیں اورالیکشن کمیشن ممبران کے دفاتر میں اے سی بھی لگے ہوئے ہیں۔

معاون خصوصی کا کہنا تھا کہ الیکشن کمیشن اور اپوزیشن کو ٹیکنالوجی سے خوف زدہ نہیں ہونا چاہیے،الیکٹرک ووٹنگ مشین آج کی حقیقت ہے۔

شہباز گل کا کہنا تھا کہ پاکستان کے آئین کے مطابق ہمیں کام کرنے سے کوئی بھی نہیں روک سکتا۔

معاون خصوصی شہباز گل کا کہنا تھا کہ سیاست اچھے کردار کے ساتھ بھی کی جا سکتی ہے،عمران خان نے کرپشن کے خاتمے اور الیکشن اصطلاحات پر ووٹ لیا ہے۔

وزیر اعظم عمران خان کے معاون خصوصی شہباز گل کا مزید کہنا تھا کہ  ایم حمزہ نے وزیراعظم عمران خان کے وژن کے مطابق زندگی بسر کی ہے، ایم حمزہ مرحوم جیسے سیاستدان ملک کا سرمایہ تھے۔

The post ایسا نظام لا رہے ہیں جس میں سیاستدان لوٹ مار نہ کریں،شہباز گل appeared first on .