پاکستان پیپلز پارٹی کی سیکریٹری اطلاعات شازیہ مری نے ٹوئٹر پر جاری ایک پیغام میں کہا کہ آج 73ویں برسی کے موقع پر قائد اعظم کی خدمات کو یاد کرتے ہیں۔
تفصیلات کے مطابق پاکستان پیپلز پارٹی کی سیکریٹری اطلاعات شازیہ مری نے ٹوئٹر پر جاری ایک پیغام میں کہا کہ آج 73ویں برسی کے موقع پر ہم قائد اعظم محمد علی جناح کی ملک کیلئے شاندار خدمات کو یاد کرتے ہوئے انہیں خراج عقیدت پیش کرتےہیں۔
پاکستان پیپلز پارٹی کی سیکریٹری اطلاعات شازیہ مری نے کہا کہ ہمیں آج کے دن پر قائد اعظم کے ترقی پسند اور جامع پاکستان کے خواب کو بھی یاد رکھنا چاہیے ، جہاں مذہب، فرقہ ، ذات ، رنگ ، عقیدہ ، نسل ، جنس ، عمر کی بنیاد پر کسی کے ساتھ بھی امتیازی سلوک نہیں کیا جاتا ہو اور اظہار رائے کی آزادی ہو۔
As we remember the Quaid on this day, let us also remember his dream of a progressive and inclusive Pakistan where no one is discriminated against on the basis of religion, sect, caste, colour, creed, race, gender, age & above all freedom of speech & expression!#Quaid_e_Azam
— Shazia Atta Marri (@ShaziaAttaMarri) September 11, 2021
واضح رہے کہ بانی پاکستان قائداعظم محمد علی جناح کی 73 ویں برسی آج عقیدت و احترام سے منائی جارہی ہے۔
بانی پاکستان بابائے قوم قائد اعظم محمد علی جناح کی 73ویں برسی کی مناسبت سے ملک بھر میں مختلف سیاسی، مذہبی اور سماجی تنظیموں کے زیراہتمام تقریبات وسیمینارز، کانفرنسز اور دیگر پروگرامز کا انعقاد کیا جاتا ہے۔
قائد اعظم محمد علی جناح 25 دسمبر 1876 کو پیدا ہوئے، انہوں نے ابتدائی تعلیم کا آغاز 1882 میں کیا۔
محمد علی جناح نے اپنی سیاسی سرگرمیوں کا آغاز 1906 میں انڈین نیشنل کانگریس میں شمولیت سے کیا تاہم 1913 میں آل انڈیا مسلم لیگ میں شمولیت اختیار کرلی۔
آپ نے خود مختار ہندوستان میں مسلمانوں کے سیاسی حقوق کے تحفظ کی خاطر مشہور چودہ نکات پیش کیے۔
قائد اعظم کی قیادت میں برِصغیر کے مسلمانوں نے نہ صرف برطانیہ سے آزادی حاصل کی بلکہ تقسیمِ ہند کے ذریعے پاکستان کا قیام عمل میں آیا اور آپ پاکستان کے پہلے گورنر جنرل بنے۔
قائد اعظم کی قیادت میں مسلمانوں نے الگ ملک کے لیے جدوجہد کی لیکن قیام پاکستان کے صرف ایک سال بعد وہ اس جہان فانی سے رخصت ہوگئے۔
The post آج 73ویں برسی کے موقع پر قائد اعظم کی خدمات کو یاد کرتے ہیں ، شازیہ مری appeared first on .