ہاتھیوں کے جھنڈ کا انسانی آبادی پر دھاوا ،ویڈیو وائرل

مشرقی افریقہ میں واقع ملک کینیا کے ایک پارک سے فرار ہونے والے ہاتھی انسانی آبادی میں گھس آئے، کافی دیر تک ہائی وے کو بھی بلاک رکھا۔

غیر ملکی خبررساں ادارے کی رپورٹ کے مطابق یہ دل دہلا دینے والا واقعہ کینیا کے علاقے مومباسا میں پیش آیا جہاں موجود ایک گاؤں میں کئی ہاتھی جھنڈ کی شکل میں گھس آئے جس کی ویڈیو سوشل میڈیا پر وائرل ہو گئی ہے۔

رپورٹ میں بتایا گیا کہ مومباسا اور دارالحکومت کو جوڑنے والی ہائی وے کو ہاتھیوں نے بلاک کیا جس کے باعث عارضی طور پر ٹریفک کی روانی متاثر ہوئی۔

سوشل میڈیا پر وائرل ویڈیو میں لوگوں کو بھاگتے ہوئے بھی دیکھا جاسکتا ہے، شہریوں میں خوف وہراس پایا گیا اور لوگ اپنی جان بچانے کے لئے بھاگتے نظر آئے۔

یہ بھی کہا گیا کہ ہاتھوں کی تعداد 8 تھی جو قریب ہی واقع پارک سے پانی کی تلاش میں فرار ہوئے تھے۔

واضح رہے کہ اس واقعے میں کوئی جانی یا مالی نقصان کی اطلاع نہیں ملی۔

The post ہاتھیوں کے جھنڈ کا انسانی آبادی پر دھاوا ،ویڈیو وائرل appeared first on .