کرینہ کپور کا بیٹوں کے ناموں پر تنقید کرنے والوں کو جواب

بالی ووڈ کی معروف اداکارہ کرینہ کپور نے اپنے بیٹوں کے ناموں پر تنقید کرنے والوں کو کرارا جواب دے دیا۔

غیر ملکی خبر رساں ادارے کے مطابق اداکارہ کرینہ کپور نے اپنے بیٹوں، تیمور علی خان اور جہانگیر علی خان کے ناموں پر تنقید کرنے والوں کو جواب دیا ہے۔

حالیہ انٹرویو میں کرینہ کپور نے اپنے دونوں بیٹوں کے ناموں پر ناقدین کی جانب سے سامنے آنے والے ردِعمل کے بارے میں بات کرتے ہوئے کہا ہے کہ کسی کی فیملی کے بارے میں اس طرح بات کرنا بہت افسوسناک ہے۔

اداکارہ کرینہ کپور نے کہا کہ حقیقت میں یہ اِن کے دونوں خوبصورت بیٹوں کے خوبصورت نام ہیں، اس سے زیادہ کچھ نہیں ہیں۔

کرینہ کپور نے مزید کہا کہ بچوں کے بارے ٹرولنگ کرنا ان کی سمجھ سے بالاتر ہے، اب اُنہیں صرف اپنے کام سے کام رکھنا ہے اور اِس سب سے گزرنا ہے‘

انہوں نے کہا کہ وہ اپنی زندگی کو ان ٹرولرز کی آنکھوں سے نہیں دیکھ سکتی ہیں۔

دوسری جانب اداکارہ کرینہ کپور کے شوہر، اداکار سیف علی خان کی بڑی بہن صبا پٹودی نے بھی اس معاملے پر کرینہ کی حمایت میں سوشل میڈیا پر ایک پوسٹ شیئر کی ہے۔

صبا نے لکھا ہے کہ جب ایک ماں اپنے بچے کو جنم دیتی ہے تو پھر صرف اس ماں اور باپ کو یہ فیصلہ کرنے کا حق ہے کہ ان کے بچے کی پرورش کیسے ہوگی۔

واضح اداکارہ کرینہ کپور کے بچوں کے ناموں پر ہر تھوڑے دن بعد تنقید کی جاتی ہے۔

The post کرینہ کپور کا بیٹوں کے ناموں پر تنقید کرنے والوں کو جواب appeared first on .