تھانہ کلچر کو تبدیل کرنا میری اولین ترجیح ہے، آئی جی پنجاب

آئی جی پنجاب راؤ سردار علی خان نے کہا ہے کہ تھانہ کلچر کو تبدیل کرنا میری اولین ترجیح  ہے۔

تفصیلات کے مطابق آئی جی پنجاب راؤ سردار علی خان نےپولیس لائنز قلعہ گجر سنگھ لاہور کا دورہ کیا جہاں  آئی جی پنجاب نے لاہور پولیس کے سپروائزری افسران کو خطاب میں اہم ہدایات جاری کی ہیں ۔

ہدایات جاری کرتے ہوئے آ ئی جی پنجاب راؤ سردار علی کا کہنا تھا کہ ماتحت فورس اور شہریوں کے ساتھ خوش اخلاقی اور نرم گفتاری کو شعار بنائیں ۔

ان کا کہنا تھاکہ دو ہفتوں کے اندر اندر تھانوں کے تمام ریکارڈ کو اپ گریڈ کر لیا جائے  اوربیٹ سسٹم کو فعال کرتے ہوئے جرائم پیشہ افراد کا قلع قمع کیا جائے ۔

آئی جی پنجاب کا کہنا تھاکہ جرم کا اندراج نہ کرنا ظالم کی مدد ہے لہذا فری رجسٹریشن آف کرائم کو ہر صورت یقینی بنایا جائے ۔

راؤ سردار علی کا کہنا تھا کہ ڈولفن اور دیگر پٹرولنگ فورسز کی پٹرولنگ نظام کو مزید فعال بنایا جائے ۔

ان کا کہنا تھا کہ  سپر وائزری افسران ماتحت فورس کی ویلفیئر ترجیحی بنیادوں کو یقینی بنائیں ۔

 آئی جی پنجاب  راؤ سردار علی کا مزید کہنا تھاکہ جرائم کنٹرول  کرنےکے لئے سیف سٹی کیمروں سے بھرپور استفادہ  حاصل کریں۔

The post تھانہ کلچر کو تبدیل کرنا میری اولین ترجیح ہے، آئی جی پنجاب appeared first on .