اسپین کے وزیر خارجہ کل پاکستان کا دورہ کریں گے

ا سپین کے وزیر خارجہ جوز مینوئل البرس 10 ستمبر 2021 کو پاکستان کا دورہ کریں گے۔

تفصیلات کے مطابق پاک اسپین وزرائے خارجہ ملاقات میں افغانستان کی تازہ ترین پیش رفت پر تبادلہ خیال کیا جائے گا۔

ترجمان دفتر خارجہ عاصم افتخار  کا کہنا ہے کہ  پاک اسپین وفود کی سطح پر ہونے والے مذاکرات کے دوران دو طرفہ تعلقات بات چیت کا حصہ ہوں گے۔

ترجمان دفتر خارجہ  کا کہنا ہے کہ پاکستان اور اسپین دو طرفہ، یورپی یونین اور کثیرالجہتی فورم کے تناظر میں خوشگوار تعلقات رکھتے ہیں، اسپین یورپی یونین میں پاکستان کا تیسرا بڑا تجارتی شراکت دار ہے۔

عاصم افتخار کا کہنا ہے کہ اسپین یورپ کے ان ممالک میں شامل ہے جہاں سب سے زیادہ پاکستانی تارکین وطن رہتے ہیں ۔

ترجمان دفتر خارجہ عاصم افتخار کا مزید کہنا ہے کہ  وزیر خارجہ جوز مینوئل البرس کا دورہ علاقائی اور بین الاقوامی مسائل پر باہمی ہم آہنگی اوردو طرفہ قریبی تعاون کو مضبوط بنانے میں مددگار ثابت ہوگا۔

The post اسپین کے وزیر خارجہ کل پاکستان کا دورہ کریں گے appeared first on .