ملکی ایٹمی اثاثہ جات مضبوط ہاتھوں میں ہیں، نیشنل کمانڈ اتھارٹی

نیشنل کمانڈ اتھارٹی کا کہنا ہے کہ ملکی ایٹمی اثاثہ جات مضبوط ہاتھوں میں ہیں۔

تفصیلات کے مطابق وزیراعظم عمران خان کی زیر صدارت نیشنل کمانڈ اتھارٹی کا اجلاس ہوا جس میں وزیر خارجہ، وزیر دفاع، وزیر خزانہ ،  وزیر داخلہ ، چیئرمین جوائنٹ چیفس آف سٹاف کمیٹی ، تینوں مسلح افواج کے سربراہان اور ڈی جی آئی ایس آئی فیض حمید نے شرکت کی۔

ذرائع کے مطابق اجلاس کو خطے میں ابھرتے تنازعات پر تفصیلی بریفنگ دی گئی۔

اعلامیے کے مطابق نیشنل کمانڈ اتھارٹی نے کمانڈ اور کنٹرول سسٹم پر مکمل اعتماد کا اظہار کیا ، پاکستان کے سٹریٹجک اثاثوں کی سیکورٹی کے لیے اقدامات پر بھی اطمینان کا اظہار کیا۔

جاری کردہ اعلامیے کے مطابق پاکستان ذمہ دار نیوکلیئر ملک ہے ، پاکستان عالمی نیوکلیئر ، عدم پھیلاؤ اور نیوکلیئر سیکورٹی کی بہتری کے لیے کوششیں جاری رکھے گا۔

اعلامیے کے مطابق پاکستان ہتھیاروں کی دوڑ میں شامل ہوئے بنا خطے میں استحکام کے لیے تمام اقدامات کرے گا ، ملکی ایٹمی اثاثہ جات مضبوط ہاتھوں میں ہیں ، این سی اے کو علاقائی و عالمی امور پر تفصیلی بریفنگ دی گئی۔

جاری کردہ اعلامیے کے مطابق پاکستان علاقائی امن کے لیے کوششیں جاری رکھے گا ، پاکستان خطے میں اسلحے کی دوڑ میں شامل نہیں ہونا چاہتا۔

اعلامیے کے مطابق این سی اے نے افواج کی پیشہ وارانہ تربیت اور تیاریوں کو سراہا ، این سی اے نے  پاکستانی سائنسدانوں اور انجینئرز کی کوششوں کی بھی تعریف کی۔

The post ملکی ایٹمی اثاثہ جات مضبوط ہاتھوں میں ہیں، نیشنل کمانڈ اتھارٹی appeared first on .