سلطان راہی نے فیصل قریشی کو کیا نصیحت کی تھی؟

معروف پاکستانی اداکار و میزبان فیصل قریشی نے انکشاف کیا ہے کہ  لیجنڈری اداکار سلطان راہی نے انہیں زندگی میں کامیابی حاصل کرنے کے لئے ہمیشہ عاجزی و انکساری کا دامن تھامے رکھنے کی نصیحت کی تھی۔

فیصل قریشی کا شمار پاکستان کے ان اداکاروں میں ہوتا ہے جنہیں اپنے کیرئیر کے دوران کئی لیجنڈری اداکاروں کے ساتھ کام کرنے کے مواقع حاصل ہوئے ہیں اور وہ اپنے غیر معمولی کام سے مداحوں کو خوش کرنے میں کبھی ناکام نہیں ہوئے۔

انہوں نے اپنے حالیہ انٹرویو میں کامیابی کا راز بتایا کہ جب انہوں نے اپنے کیریئر کا آغاز کیا تو انہیں شوبز کے کئی معزز اداکاروں کے ساتھ کام کرنے کا موقع ملا جن میں لیجنڈری اداکار سلطان راہی بھی شامل ہیں۔

اداکار نے سلطان راہی کے ساتھ کام کرنے کے تجربے کے بارے میں بتایا کہ آپ اپنے سینئرز سے بہت کچھ سیکھتے ہیں اور سلطان راہی نے انہیں ایک نصیحت کی تھی جسے وہ کبھی نہیں بھولیں گےـ

فیصل قریشی نے بتایا کہ سلطان راہی نے انہیں ایک اچھا اداکار بننے کے لئے مختلف کرداروں کا انتخاب کرنے کے علاوہ زندگی میں ایک کامیاب انسان بننے کے لئے ہمیشہ عاجزی و انکساری کا دامن تھامے رکھنے کی نصیحت کی تھی۔

انہوں نے سلطان راہی کےالفاظ دہراتے ہوئے کہا کہ درخت جتنا زیادہ جکھا ہوا ہوتا ہے سب سے زیادہ پھل بھی اُسی پر اُگتے ہیں۔

اداکار نے مزید کہا کہ یہ ایسےالفاظ تھے جوکہ آج تک انہیں یاد ہیں اور یہی ان کی کامیابی کا فارمولا ہیں۔

خیال رہے کہ اداکار فیصل قریشی نے شوبز انڈسٹری میں اپنے کیریئر کا آغاز 1992 میں فلم سزا سے کیا تھا اور اب انہیں انٹرٹینمنٹ انڈسٹری کا حصہ بنے 20 سال سے زائد کا عرصہ ہوگیا ہے۔

The post سلطان راہی نے فیصل قریشی کو کیا نصیحت کی تھی؟ appeared first on .