جو محکمہ کام نہیں کرے گا اس کے خلاف کارروائی ہو گی، عثمان بزدار

وزیراعلیٰ پنجاب سردار عثمان بزدار نے کہا ہے کہ جو محکمہ بھی کام نہیں کرے گا اس کے خلاف کارروائی کی جائے گی۔

تفصیلات کے مطابق وزیراعلیٰ پنجاب سردار عثمان بزدار نے محکموں کو دو ٹوک پیغام دیتے ہوئے کہا کہ سرکاری محکمے عوامی مسائل کے حل کے لیے ٹھوس اقدامات کریں۔

وزیراعلیٰ پنجاب نے کہا کہ خالی باتوں اور پریزنٹیشن کا وقت گزر چکا، عوامی مسائل کے حل کے اقدامات میں کوتاہی ہر گز برداشت نہیں کریں گے۔

عثمان بزدار نے یہ بھی  کہا کہ اب محکموں کو کام کر کے دکھانا ہوگا، سُستی برداشت نہیں ہوگی اور جو محکمہ بھی کام نہیں کرے گا اس کے خلاف کارروائی کی جائے گی۔

وزیراعلیٰ پنجاب سردار عثمان بزدار نے مزید کہا کہ بہترین سروس ڈلیوری کو ہر صورت یقینی بنایا جائے گا، محکموں کو ہر ماہ دیئے گئے اہداف کا جائزہ خود لیں گے۔

واضح رہے اس سے قبل عثمان بزدار سے پنجاب کے پسماندہ علاقو ں کے 200 سے زائد افراد کی ملاقاتیں ہوئی تھی۔

لوگوں سے گفتگو کرتے ہوئے عثمان بزدار کا کہنا تھا کہ عوام ہی میرا اثاثہ ہے،  میرے دروازے سب کے لیے کھلے ہیں۔

 عثمان بزدار کا کہنا تھا کہ عوام کی خدمت کا سفر رواں دواں ہے اور مزید تیزی سے آگے بڑھائیں گے۔

عثمان بزدار  کا مزید کہنا تھا کہ  الزامات لگائے والے پیچھے رہ گئے ہیں جبکہ نیا پاکستان آگے بڑھ رہا ہے اور بڑھتا جائے گا۔

The post جو محکمہ کام نہیں کرے گا اس کے خلاف کارروائی ہو گی، عثمان بزدار appeared first on .