ملاح پر وہیل نے حملہ کردیا، ویڈیو وائرل

ارجنٹینا کے سمندر میں پاؤں سے چلانے والی کشتی پر اچانک وہیل نے حملہ کردیا جس کی ویڈیو سوشل میڈیا پر وائرل ہوگئی ہے۔

غیر ملکی خبر رساں ایجنسی کے مطابق میکسی جونز نامی فوٹو گرافر نے سوشل میڈیا پر ایک ڈرون فوٹیج شیئر کی جس میں ایک چھوٹی کشتی کے نیچے دیوہیکل وہیل کو تیرتے دیکھا جاسکتا ہے۔

وہیل کی موجودگی سے بے خبر ملاح کو اس وقت ہوش آیا جب وہیل اپنے بازو سے کشتی کو دھکا مارا۔

مائیکرو بلاگنگ ویب سائٹ ٹوئٹر پر شیئر ہونے والی ڈرون فوٹیج میں دیکھا جاسکتا ہے کہ دھکا اتنا شدید نہیں تھا اس کے باوجود دھکا لگنے سے کشتی کچھ دور تک گئی۔

Creo que hoy hice el mejor video con drone de ballenas de mi vida. pic.twitter.com/hBUiTWWDL6

— maxi jonas (@maxijonas) September 1, 2021

میکسی جونز نے ویڈیو کے ساتھ کیپشن دیا کہ میرے خیال سے آج میں نے وہیل کی سب سے بہترین ڈرون فوٹیج بنائی ہے۔

غیر ملکی میڈیا کا کہنا ہے کہ ٹوئٹر پر شیئر ہونے والی ویڈیو کو اب تک 20 لاکھ سے زائد مرتبہ دیکھا جاسکتا ہے جبکہ 3 ہزار کے قریب افراد نے اس ویڈیو پر پسندیدگی کا اظہار کیا ہے۔

غیر ملکی میڈیا کے مطابق یہ حادثہ پاتا گونیا کے مقام پر پیش آیا جہاں وہیل کی ہجرت کا موسم شروع ہوچکا ہے اور علاقے میں 1600 سے زائد وہیل پائی جاتی ہیں۔

The post ملاح پر وہیل نے حملہ کردیا، ویڈیو وائرل appeared first on .