Zeal News Pakistan First Complete Media Group
پاکستان شوبز انڈسٹری کے اداکار شہروز سبزواری کا کہنا ہے کہ ان کی سابقہ اہلیہ اور ٹی وی کی نامور اداکارہ سائرہ یوسف ان کی بیٹی نورے کی بہت اچھی تربیت کررہی ہیں۔
سوشل میڈیا رپورٹس کے مطابق شہروز سبزواری نے اپنی دوسری اہلیہ اور سپر ماڈل صدف کنول کے ہمراہ ایک نجی ٹی وی چینل کے پروگرام میں شرکت کی اور مختلف موضوعات پر کھل کر اظہار خیال کیا۔
شہروز سبزواری سے جب انٹرویو کے دوران اُن کی بیٹی کےحوالے سے سوال کیا گیا تو انہوں نے کہاکہ نورے اپنی والدہ سائرہ کے ساتھ رہتی ہے اور وہ اس کی بہت اچھی تربیت کررہی ہے۔
شہروز سبزواری نے کہا کہ اولاد کی تربیت ماں سے اچھی کوئی نہیں کرسکتا ہے اور سائرہ نے نورے کی بہت اچھی تربیت کی ہے۔
اداکار نے کہا کہ میں تو صرف نورے کے ساتھ تھوڑا وقت گزارتا ہوں اور اس میں اس کے ساتھ انجوائے کرتا ہوں لیکن نورے کی جو اصل تربیت ہورہی ہے وہ اس کی ماں سائرہ کررہی ہے۔
View this post on Instagram
اداکار نے مزید کہا کہ نورے کو ابھی میری باتیں ٹھیک سے سمجھ نہیں آئیں گی کیونکہ وہ بہت چھوٹی ہے، اس وقت وہ اپنی والدہ کے ساتھ ہی زیادہ رہتی ہے۔
واضح رہے کہ گزشتہ سال 31 مئی 2020 کو اداکارشہروز سبزواری نے اداکارہ و سپر ماڈل صدف کنول کے ساتھ دوسری شادی کی تھی۔
اداکار کی سابقہ اہلیہ سائرہ یوسف تھیں جن سے اُن کی ایک بیٹی نورے ہے۔
شہروز سبزواری نامور اداکار بہروز سبزواری کے بیٹے ہیں۔
The post سائرہ بیٹی کی کیسی تربیت کر رہی ہیں؟ شہروز سبزواری کے جواب نے سب کو چونکا دیا appeared first on .
