دہشت گردی کے خلاف جنگ امن کے مکمل حصول تک جاری رہے گی، میر ضیاء اللہ لانگو

وزیر داخلہ بلوچستان میر ضیاء اللہ لانگو نے کہا ہے کہ دہشت گردی کے خلاف جنگ امن کے مکمل حصول تک جاری رہے گی۔

تفصیلات کے مطابق وزیر داخلہ بلوچستان میر ضیاء اللہ لانگو نے کوئٹہ میں فورسز پر حملے کی مذمت کرتے ہوئے کہا ہے کہ دہشت گردی کے خلاف جنگ میں سیکیورٹی فورسز نے لازوال قربانیاں دی ہیں۔

ان کا کہنا ہے کہ دہشت گردی کے خلاف جنگ امن کے مکمل حصول تک جاری رہے گی، پوری قوم شہداء کے خون کی قرض دار ہے، شہداء کی عظیم قربانیاں سنہری حروف سے لکھی جائیں گی۔

انھوں نے مزید کہا ہے کہ شرپسندی کے ایسے واقعات سے فورسز کا مورال پست نہیں ہوگا، ہم دہشت گردی کا مقابلہ کررہے ہیں اور کرتے رہیں گے۔

واضح رہے کہ وزیر داخلہ بلوچستان میر ضیاء اللہ لانگو نے شہدا کے اہل خانہ سے دلی ہمدردی کا اظہار کیا ہے اور متعلقہ حکام سے  دھماکے کی رپورٹ طلب کرلی ہے۔

The post دہشت گردی کے خلاف جنگ امن کے مکمل حصول تک جاری رہے گی، میر ضیاء اللہ لانگو appeared first on .