منی بس اور ٹرین میں خوفناک تصادم؛  کمزور دل افراد ویڈیو نہ دیکھیں

ترکی میں منی بس اور ٹرین کے درمیان خوفناک تصادم ہوا جس کے نتیجے میں 6 افراد ہلاک اور متعدد زخمی ہوگئے۔

ترک میڈیا کی رپورٹ کے مطابق جنوب مغربی ترکی میں مال گاڑی اور منی بس کے درمیان تصادم کے نتیجے میں 6 افراد ہلاک اور متعدد زخمی ہوگئے، ہلاک اور زخمیوں کو فوری طور پر اسپتال منتقل کردیا گیا ہے۔

حادثہ مقامی وقت کے مطابق صبح 8 بجے صوبہ ٹیکرداگ کے علاقے ارجین میں ایک ریل روڈ کراسنگ پر پیش آیا ہے، فیکٹری ورکرز کو لے جانے والی منی بس ٹرین کی زد میں آگئی۔

حادثے میں ہلاک ہونے والے فیکٹری ملازمین منی بس میں سوار تھے ،ویڈیو میں دیکھا جاسکتا ہے کہ منی بس ریلوے ٹریک کے قریب آئی اور ٹرین کی زد میں آگئی، ٹرین منی بس کو دھکیلتے ہوئے دور تک لے گئی۔

واضح رہے کہ اس سے قبل ترکی میں ٹرین حادثے کے نتیجے میں 25 افراد ہلاک ہوگئے تھے، حادثہ ٹرین کے پٹڑی سے اترجانے کے باعث پیش آیا تھا اور بارشوں کو ٹرین کی پٹڑی سے اترنے کی وجہ قرار دیا گیا تھا۔

The post منی بس اور ٹرین میں خوفناک تصادم؛  کمزور دل افراد ویڈیو نہ دیکھیں appeared first on .