کراچی میں بارش کے دوران کرنٹ لگنے کے واقعات میں 4 سالہ بچی سمیت 4 افراد جاں بحق

کراچی میں بارش کے دوران کرنٹ لگنے کے واقعات میں 4 سالہ بچی سمیت 4 افراد جاں بحق ہوگئے ہیں۔

تفصیلات کے مطابق کلفٹن شاہ رسول کالونی میں بجلی کے پول سے کرنٹ لگنے کے نتیجے میں چار سالہ بچی تانیہ جاں بحق ہوگئی۔

تانیہ کے والد کے مطابق بدقسمت تانیہ گھر کے باہر بارش کے پانی میں کھیل رہی تھی۔ 4 سالہ بچی  پہلی جماعت کے طالبہ تھی۔

والد کا کہنا تھا کہ شام کے وقت کھمبے پر اسپارک ہوا تھا تاہم شکایت کرنے کے باوجود کے الیکٹرک کی جانب سے کارروائی نہیں کی گئی۔

خاندانی ذرائع کا کہنا ہے کہ تانیہ کی تدفین کیلئے لاش کو آبائی علاقے بہاولپور لے جایا جارہا ہے۔

دوسری جانب  بلدیہ عابدآباد کے گھر میں کام کے دوران کرنٹ لگنے سے ایک شخص جاں بحق  ہوگیا۔

ریسکیو حکام کے مطابق  جاں بحق شخص کی شناخت یاسین کے نام سے کرلی گئی ہے۔

​لیاقت آباد  شریف آباد کے قریب کرنٹ لگنے سے ایک شخص جاں بحق ہوا۔

ریسکیو حکام کے مطابق  جاں بحق شخص کی شناخت 50 سالہ محمد صابر کے نام سے کرلی گئی ۔

اس سے قبل لائٹ ہاؤس چل گلی کے قریب ایک شخص کرنٹ لگنے سے جاں بحق ہوگیا جس کی لاش کو سول اسپتال منتقل کیا گیا۔

متوفی کی شناخت 45سالہ ساجد لودھی  کے نام سے ہوئی۔

پولیس کے مطابق عینی شاہدین کا کہنا ہے  متوفی چپل گلی میں بجلی کے بلب چوری کر رہا تھا، بارش کے باعث جگہ گیلی تھی جسکی وجہ سے اسے  کرنٹ لگا اور اسکی فوری طور پر موت واقع ہوگئی۔

The post کراچی میں بارش کے دوران کرنٹ لگنے کے واقعات میں 4 سالہ بچی سمیت 4 افراد جاں بحق appeared first on .