اداکارہ ریما خان کو اپنے شوہر پر فخر کیوں؟

ماضی کی مقبول ترین فلم اسٹار ریما خان کو اپنے شوہر ڈاکٹر طارق شہاب پر فخر اس لئے ہے کیونکہ وہ افغان مہاجرین کی مدد کے لئے قطر کے دارالحکومت دوحہ پہنچ رہے ہیں اور اداکارہ کو ان کی ہمت ، جذبے اور قربانیوں پر فخر ہے۔

ریما خان نے انسٹاگرام پر اپنے شوہر کی ایک سیلفی شیئر کی جس میں انہیں طیارے کے کاک پٹ میں پائلٹس کے ساتھ دیکھا جاسکتا ہے۔

 

View this post on Instagram

 

A post shared by Reema Khan (@iamreemakhan)

اداکارہ نے تصویر کے کیپشن میں لکھا کہ میرے شوہر ڈاکٹر سید طارق شہاب اپنی امریکی ٹیم کے ہمراہ قطر جا رہے ہیں، وہ دوحہ میں افغان مہاجرین کی دیکھ بھال کریں گے۔

 انہوں نے لکھا کہ مجھے ان کی ہمت، کام اور قربانی پر فخر ہے، میں اللہ سے دعا کرتی ہوں کہ ان کا سفر محفوظ اور کامیاب رہے۔

واضح رہے کہ ریما خان نےاپنے فلمی کیریئر کا آغاز سال 1990 میں کیا تھا اور اس دوران انہوں نے 200 سے زائد مقبول ترین فلموں میں کام کیا، ریما خان نے بہت سی لالی ووڈ فلموں میں بطور ہدایتکارہ بھی کام کیا۔

اداکارہ ریما خان نے نومبر 2011 میں امریکی ڈاکٹر شہاب طارق سے شادی کی جس کے بعد اُن کے ہاں 24 مارچ 2015 کو بیٹے علی کی پیدائش ہوئی تھی۔

The post اداکارہ ریما خان کو اپنے شوہر پر فخر کیوں؟ appeared first on .