ڈرامہ شوٹنگ کے دوران کیا واقعہ پیش آیا، اداکارہ مومنہ نے بتادیا

پاکستانی ڈرامہ انڈسٹری کی ابھرتی اداکارہ اور ماڈل مومنہ اقبال نے یہ انکشاف کیا ہے کہ ایک ڈائریکٹر نے ڈرامہ شوٹنگ کے دوران بار بار اُن کا چہرہ دھلوایا تھا۔

 اداکارہ نے گزشتہ دنوں ایک شو میں شرکت کی ،شو کے دوران مومنہ اقبال نے بتایا کہ ماڈلنگ کرنے اور ٹی وی پر اداکاری کرنے میں بہت فرق ہے۔

مومنہ اقبال نے ہنستے ہوئے بتایا کہ جب انہوں  نے اداکاری کے شعبے میں قدم رکھا تو وہ سیٹ پر اپنا میک اپ خود کیا کرتی تھیں اور میک اپ آرٹسٹ سے کہتی تھیں کہ تمہیں کچھ نہیں پتہ میک اپ کا وہ اپنا میک اپ خود کر لیں گی۔

انہوں نے کہا کہ ماڈلنگ میں بہت زیادہ میک اپ کیا جاتا ہے اور نین نقش کو واضح بنانے کے لئے کَنٹورنگ بھی بہت کی جاتی ہے جبکہ اداکاری میں ایسا نہیں ہوتا یہاں آپ کو بہت سادہ اور کم میک اپ کرنا ہوتا ہے۔

مومنہ اقبال نے ہنستے ہوئے بتایا کہ جب وہ اتنا زیادہ میک اپ کرتی تھیں تو کتنی دفعہ ڈائریکٹر نے اُن کا چہرہ دھلوایا ہے اور پھر دوبارہ میک اپ ہوتا تھا۔

The post ڈرامہ شوٹنگ کے دوران کیا واقعہ پیش آیا، اداکارہ مومنہ نے بتادیا appeared first on .